އާދީއްތަ 27 ސެޕްޓެންބަރ 2020
07 އަތަ
1442 ސަފަރު 09
ފަތިސް 04:42
އިރުއަރާ 05:53
މެންދުރު 12:01
އަސްރު 15:08
އިރުއޮއްސޭ 18:02
އިޝާ 19:13
ކުޓީނިއޯ އާސެނަލަށް ބަދަލުވުން

ކުޓީނިއޯ ގަތުމަށް އާސެނަލުން ބިޑް ކުރަނީ

  • ބާސާއިން އަންނަނީ ކުޓީނިއޯ ވިއްކާލަން މަސައްކަތް ކުރަމުން
  • ކުޓީނިއޯ ގަތުމަށް އަންނަ ހަފުތާގެ ތެރޭގައި އާސެނަލުން ބިޑް ކުރާނެ

ކ. މާލެ | 6 އޯގަސްޓް 2020 | ބުރާސްފަތި 18:46 | 5,151

މިޑްފީލްޑަރު ފިލިއްޕޭ ކުޓީނިއޯ: ބާސާއިން އަންނަނީ އޭނާ ވިއްކާލަން މަސައްކަތް ކުރަމުން - ގެޓީ އިމޭޖާސް

ބްރެޒިލްގެ ތަރި ފިލިއްޕޭ ކުޓީނިއޯ ގަތުމަށް އާސެނަލުން ބިޑް ކުރަން ތައްޔާރުވަމުންދާ ކަމަށް ރިޕޯޓުތައް ބުނެފިއެވެ.

އުމުރުން 28 އަހަރުގެ ކުޓީނިއޯ މިދިޔަ ސީޒަނުގައި ލޯނު އެއްބަސްވުމެއްގެ ދަށުން ކުޅުނީ ބަޔާން މިއުނިކަށެވެ. ލޯނު އެއްބަސްވުން ހަމަވެ 110 މިލިއަން ޕައުންޑަށް ކުޓީނިއޯ ގަތުމަށް ލިބުނު ފުރުސަތުގެ ބޭނުން ބަޔާނުން ހިފާފައެއް ނުވެއެވެ. އެހެންކަމުން އަންނަ ސީޒަނަށް ބާސާއިން ކުޓީނިއޯ ވިއްކާލަން މަސައްކަތް ކުރަމުން އަންނަ ކަމަށް ރިޕޯޓުތައް ބުނެއެވެ.

ރިޕޯޓުތައް ބުނާ ގޮތުން އާސެނަލުން ވަނީ ކުޓީނިއޯ ހޯދުމަށް ޝައުގުވެރިކަން ފާޅުކޮށްފައެވެ. އަދި ކުޓީނިއޯ ގަތުމަށް އަންނަ ހަފުތާގެ ތެރޭގައި އާސެނަލުން ބިޑް ކުރާނެ ކަމަށްވެސް ރިޕޯޓުތައް ބުނެއެވެ.

އާސެނަލުން ކުޓީނިއޯ ހޯދުމަށް ޝައުގުވެރިކަން ފާޅުކޮށްފައިވާއިރު، އެޓީމުން އަންނަނީ ކުޓީނިއޯ އާއެކު ބްރެޒިލްގެ ގައުމީ ޓީމަށް ކުޅެމުން އަންނަ ޗެލްސީގެ ފޯވާޑް ވިލިއަންގެ ސޮއި ހޯދުމަށްވެސް މަސައްކަތް ކުރަމުންނެވެ.

ކުޓީނިއޯ ހޯދުމަށް އާސެނަލުން މަސައްކަތް ކުރަމުން އަންނައިރު، އޭނާ ހޯދުމަށް މެންޗެސްޓާ ޔުނައިޓެޑާއި ޗެލްސީ އަދި ނިއުކާސަލް ޔުނައިޓެޑުންވެސް ވަނީ މަސައްކަތް ކޮށްފައެވެ. މީގެ ކުރިން ކުޓީނިއޯގެ އޭޖެންޓް ވަނީ ކުރިއަށް އޮތް ސީޒަނަށް އިނގިރޭސި ޕްރިމިއާ ލީގަށް ބަދަލުވާން ކުޓީނިއޯ ބޭނުންވާ ކަމަށް ބުނެފައެވެ.

2018 ވަނަ އަހަރުގެ ޖެނުއަރީ މަހު ލިވަޕޫލުން 142 މިލިއަން ޕައުންޑަށް ބާސާއަށް ބަދަލުވި ކުޓީނިއޯއަށް އެ ކްލަބުގައި އެންމެ އެދެވޭ ކުޅުން ދެއްކިފައެއް ނުވެއެވެ. އެގޮތުން ކުޓީނިއޯ ބާސާގައި ކުޅުނު 76 މެޗުގައި ޖެހިފައިވަނީ 21 ލަނޑެވެ. އޭގެ ފަހުން މިދިޔަ ސީޒަނުގައި ލޯނު އެއްބަސްވުމެއްގެ ބަޔާނަށް ބަދަލުވި ކުޓީނިއޯއަށް އެޓީމަށް ކުޅެދިން 34 މެޗުގައި ކާމިޔާބުކުރެވިފައިވަނީ އެންމެ 9 ލަނޑެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އިސްމާޢީލް ޝާހް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.