ކ. މާލެ
|
5 އޯގަސްޓް 2020 | ބުދަ 18:51
ވެލެންސިއާއަށް ކުޅުނު ޒުވާން ފޯވާޑް ފެރާން ޓޮރޭސް
ވެލެންސިއާއަށް ކުޅުނު ޒުވާން ފޯވާޑް ފެރާން ޓޮރޭސް
ގެޓީ އިމޭޖަސް
ފެރާން ޓޮރޭސް ސިޓީއަށް ބަދަލުވުން
ވެލެންސިއާ ދޫކޮށް ފެރާން ޓޮރޭސް ސިޓީއަށް
 
ޓޮރޭސް ވަނީ ސިޓީއާއެކު ފަސް އަހަރުގެ އެއްބަސްވުމެއް ހަދާފައި
 
ޓޮރޭސް ސިޓީއަށް ބަދަލުވެފައިވަނީ 20.8 މިލިއަން ޕައުންޑުގެ އަގަކަށް

ވެލެންސިއާ ދޫކޮށް ޒުވާން ފޯވާޑް ފެރާން ޓޮރޭސް މެންޗެސްޓާ ސިޓީއަށް ބަދަލުވެއްޖެއެވެ.

އުމުރުން 20 އަހަރުގެ ފޯވާޑް ސިޓީއަށް ބަދަލުވެފައިވަނީ 20.8 މިލިއަން ޕައުންޑުގެ އަގަކަށެވެ. އޭނާ ވަނީ ސިޓީއާއެކު ފަސް އަހަރުގެ އެއްބަސްވުމެއް ހަދާފައެވެ.

ސިޓީއަށް ބަދަލުވުމަށްފަހު ޓޮރޭސް ވަނީ ވެލެންސިއާގެ ކެޕްޓަން ޑެނީ ޕަރޭހޯއާ ދެކޮޅަށް ވާހަކަދައްކާފައެވެ. ޓޮރޭސް ބުނީ އޭނާ އާއި ޕަރޭހާއާ ދެމެދު ރަނގަޅު ގުޅުމެއް ނެތް ކަމަށާއި، ސިޓީއަށް ބަދަލުވާން އެއްބަސްވީ އެ ޓީމުގެ ކޯޗު ޕެޕް ގާޑިއޯލާއާ ވާހަކަ ދެއްކުމަށްފަހު ކަމަށެވެ.

ޓޮރޭސް އިތުރަށް ބުނީ ސިޓީއަށް ބަދަލުވެވުމުން އުފާކުރާ ކަމަށާއި، އެކަމަކު ޅަ އުމުރުން ފެށިގެން ކުޅެމުން އައި ވެލެންސިއާ ދޫކޮށްލަން ޖެހުމުން އެކަމާ ހިތާމަވެސް ކުރާ ކަމަށެވެ.

ސްޕެއިންގެ 21 އަހަރުން ދަށުގެ ގައުމީ ފުޓްބޯޅަ ޓީމަށްވެސް ކުޅެފައިވާ ޓޮރޭސް އަކީ ވެލެންސިއާގެ ޔޫތު އެކަޑަމީގެ އުފެއްދުމެކެވެ. ސީނިއާ ޓީމާ 2017 ވަނަ އަހަރު ގުޅި އޭނާ ވަނީ މިހާތަނަށް 97 މެޗު ކުޅެދީ ނުވަ ލަނޑު ކާމިޔާބުކޮށްފައެވެ.

މިދިޔަ އަހަރުގެ ނޮވެމްބަރު މަހު ޔުއެފާ ޗެމްޕިއަންސް ލީގުގައި ފްރާންސްގެ ލިލް ކޮޅަށް ލަނޑު ޖަހައި އޭނާ ވަނީ އެ މުބާރާތުގައި ވެލެންސިއާއަށް ލަނޑެއް ޖަހައިދިން އެންމެ ޒުވާން ކުޅުންތެރިޔާގެ ޝަރަފު ހޯދާފައެވެ. އަދި ނޮވެމްބަރު މަހު އެ ޓީމަށް ސްޕެނިޝް ލީގުގައި 50 މެޗު ހަމަކޮށް، އެ ޓީމަށް ލީގުގައި އެ އަދަދު ހަމަކުރި އެންމެ ޒުވާން ކުޅުންތެރިޔާގެ ޝަރަފުވެސް ވަނީ ހޯދާފައެވެ. އަދި ވަނީ ވެލެންސިއާ އާއެކު 2018-2019 ވަނަ އަހަރުގެ ސީޒަނުގެ ސްޕެނިޝް ކަޕް ކާމިޔާބުކޮށްފައެވެ.

ސިޓީން ފެރާންގެ ސޮއި ހޯދިއިރު، މިއީ ކުރިއަށް އޮތް ސީޒަނަށް ސިޓީން ގެނައި ފުރަތަމަ ކުޅުންތެރިޔާއެވެ. އެޓީމުން ދާދި ފަހުން ވަނީ ޖަރުމަންގެ ފޯވާޑް ލެރޯއި ސާނޭ ބަޔާން މިއުނިކަށް ވިއްކާލާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސައިން ފަރިޔާޒް
0%
0%
0%
0%
0%
0%
ކޮމެންޓް