ކ. މާލެ
|
3 އޯގަސްޓް 2020 | ހޯމަ 19:11
ދިރާގު ހެޑް އޮފީސް
ދިރާގު ހެޑް އޮފީސް
ރާއްޖެއެމްވީ
ދިރާގު ފައިބަރ ބްރޯޑްބޭންޑް
ގިނަ އަދަދެއްގެ ކަސްޓަމަރުން ދިރާގު ފައިބަރ ބްރޯޑްބޭންޑްގެ ހިދުމަތަށް ދަނީ އެދެމުން
 
ފައިބަރ ޕެކޭޖްތަކުގެ އަޕްގްރޭޑާއެކު ކަސްޓަމަރުންނަށް %20 އާއި %65 އާ ދެމެދުގެ އިތުރު ޑޭޓާ ވެސް ލިބޭނެ
 
ކަސްޓަމަރުންނަށް އިންޓަނެޓް މަހު ފީ އިން 21 އިންސައްތަ އާއި40 އިންސައްތައާ ދެމެދުގެ ލުޔެއް ލިބިގެންދާނެ
 
ލިބޭ ރިކުއެސްޓުތައް ވިހާ ވެސް އަވަހަށް ޕްރޮސެސް ކުރެވޭނެ އިންތިޒާމު ހަމަޖައްސަމުންދާ ކަމަށް ދިރާގުން ބުނި

ގިނަ އަދަދެއްގެ ކަސްޓަމަރުން ދިރާގު ފައިބަރ ބްރޯޑްބޭންޑްގެ ހިދުމަތަށް އެދެމުންދާ ކަމަށް ދިރާގުގެ ސީނިއަރ މެނޭޖަރ ބްރޭންޑް އެންޑް މާކެޓިންގ ކޮމިއުނިކޭޝަންސް މުހައްމަދު މިރްޝާން ހަސަން ވިދާޅުވެއްޖެއެވެ.

ހޯމަ ދުވަހު ރާއްޖެއެމްވީއަށް ދެއްވި ހާއްސަ ޒޫމް އިންޓަވިއުއެއްގައި މިރްޝާން ވިދާޅުވީ ވަރަށް ގިނަ ކަސްޓަމަރުން އެ ހިދުމަތަށް އެދެމުންދާ ކަަމަށާއި ލިބޭ ރިކުއެސްޓުތައް ވިހާ ވެސް އަވަހަށް ޕްރޮސެސް ކުރެވޭނެ އިންތިޒާމު ހަމަޖައްސަމުންދާ ކަމަށެވެ.

ދިރާގުން އެ ކުންފުނީގެ ހޯމް ފައިބަރ ބްރޯޑްބޭންޑް ޕެކޭޖްތަކަށް ބޮޑެތި ބަދަލުތަކެއް ވަނީ ގެނެސްފައެވެ. މިކަމާއި ގުޅިގެން މިރްޝާން ވިދާޅުވީ ވޭތުވެދިޔަ މަސްތަކުގައި ދިރާސާކޮށް ބެލިއިރު ކަސްޓަމަރުން އިންޓަރނެޓް ބޭނުންކުރާ މިންވަރު އިތުރުވިކަން ފާހަގަކުރެވުނު ކަމަށެވެ. އަދި މި ބަދަލަކީ ކަސްޓަމަރުންގެ ބޭނުންތަކަށް ބެލުމަށްފަހު ގެނެވުނު ބަދަލެއްކަމަށް އޭނާ ވިދާޅުވިއެވެ.

މިރްޝާން ވިދާޅުވީ ޖުމްލަކޮށް ބަލާނަމަ އިންޓަރނެޓްގެ އަގު ވަރަށް ބޮޑުތަނުން މިހާރު ކަސްޓަމަރުންނަށް ހެޔޮ ކުރެވިފައިވާ ކަމަށެވެ.

މި ގެނައި ބަދަލާއެކު ކަސްޓަމަރުންނަށް އިންޓަނެޓް މަހު ފީ އިން 21 އިންސައްތަ އާއި40 އިންސައްތައާ ދެމެދުގެ ލުޔެއް ލިބިގެންދާނެއެވެ.

ދިރާގުގެ ފައިބަރ ޕެކޭޖްތަކުގެ އަޕްގްރޭޑާއެކު ކަސްޓަމަރުންނަށް %20 އާއި %65 އާ ދެމެދުގެ އިތުރު ޑޭޓާ އަދި މާ ރަގަޅު ސްޕީޑްވެސް ލިބިގެންދާނެކަން ފާހަގަކޮށް ދިރާގުން ބުނީ ހޯމް ފައިބަރ ބްރޯޑްބޭންޑްގެ ހުރިހާ ޕެކޭޖްތަކެއްގެ އަޕްގްރޭޑް އޮގަސްޓް މަހުގެ ފުރަތަމަ ހަފުތާގައި ނިމޭނެ ކަމަށެވެ.

މީގެ އިތުރުން ދިރާގުން ވަނީ ފައިބަރ ކޭބަލްތައް ހިލޭ ގުޅައިދޭ ޕްރޮމޯޝަނެއް ވެސް ފަށާފައެވެ. މި ޕްރޮމޯޝަން މި މަހުގެ ނިޔަލަށް ކުރިއަށްދާއިރު ޕްރޮމޯޝަންގެ ދަށުން ރައުޓަރތައް ވެސް ހިލޭ ދޫކުރުމަށް ވަނީ ހަމަޖެހިފައެވެ.

ރާއްޖޭގެ ގިނަ ގޭބިސީތަކަށް މިހާރު ދިރާގު ފައިބަރ ބްރޯޑްބޭންޑް އަޕްގްރޭޑްގެ އިތުރު ސްޕީޑް އަދި ޑޭޓާ ތަޖުރިބާ ކޮށްލެވޭނެއެވެ. އަދި ފައިބަރ ބްރޯޑްބޭންޑް ޚިދުމަތް ލިބޭ ހުރިހާ ރަށެއްގައި ދިރިއުޅޭ ކަސްޓަމަރުންނަށް މި ޕެކޭޖްތައް ތަޖުރިބާ ކޮށްލުމުގެ މަގުފަހިކޮށްދިނުމަށް ދިރާގުން ދަނީ މަސައްކަތްކުރަމުންނެވެ. އެގޮތުން 16 ރަށެއްގައި މިހާރު ދިރާގުން ދަނީ ނެޓްވޯކް ކެޕޭސިޓީ އަޕްގްރޭޑް ކުރުމުގެ މަސައްކަތް ކުރަމުންނެވެ.

ދިރާގު ފައިބަރ ބްރޯޑްބޭންޑް ޚިދުމަތަކީ ރާއްޖޭގައި މިހާރު ފޯރުކޮށްދެމުންދާ އެންމެ ގިނަ އެލަވަންސް އަދި އެންމެ މަތީ ސްޕީޑްގެ ޕެކޭޖްތައް ހިމެނޭ ޚިދުމަތެވެ. އަދި ހަމަ އެހެންމެ، ދިރާގު ފައިބަރ ބްރޯޑްބޭންޑް ނެޓްވޯކަކީ ރާއްޖޭގެ އެންމެ ބޮޑު ފައިބަރ ނެޓްވޯކް ވެސް މެއެވެ. އެގޮތުން އަގު، ކޮލިޓީ އަދި ސްޕީޑަށް އެއްވެސް ތަފާތުކުރުމެއް ނެތި މިހާރު ރާއްޖޭގެ ގޭބިސީގެ 76 އިންސައްތައަށް އަދި 61 ރަށަށް މިހާރު މި ޚިދުމަތް ދިރާގުން ވަނީ ފޯރުކޮށްދީފައެވެ.

ދިރާގަކީ އިނޮވޭޝަނާއި ޓެކްނޮލޮޖީ ބޭނުންކޮށްގެން ކަސްޓަމަރުންގެ ދިރިއުޅުމަށް ފާގަތިކަން ގެނެސްދީ ޑިޖިޓަލް ރާއްޖެއަކަށް ދިވެހި ރާއްޖެ ވާސިލްވުމަށް ކެނޑިނޭޅި މަސައްކަތް ކުރަމުންދާ ކުންފުންޏެކެވެ.

0%
0%
0%
0%
0%
100%
ކޮމެންޓް
3 އޯގަސްޓް 2020 | ހޯމަ 20:06
ދައުދު
ރާއްޖެތެރޭ ނިކަމެތިންނަށް މީގެ 5 ވަރަކަށް އަހަރު ފަ ހުން ނަމަވެސް ތި ހިދުމަތް ލިބިދާނެތަ؟ ޕްލީޒް