ހޮޓާ، ކެފޭ، ރެސްޓޯރެންޓްތަކުން ޚިދުމަތް ހޯދާ މީހުން މާސްކު އެޅުން އިސްތިސްނާ

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އާންމުކޮށްފައިވާ ގައިޑްލައިންތަކާ އެއްގޮތަށް ހޮޓާ، ކެފޭ، ރެސްޓޯރަންޓް ފަދަ ކާބޯތަކެތީގެ ޚިދުމަތްދޭ ތަންތަނުން ޚިދުމަތް ހޯދާ މީހުން އިސްތިސްނާވާ ގޮތަށް، މާލެ ސަރަޙައްދުގައި ގެއިން ބޭރުގައި އުޅޭއިރު މާސްކު އެޅުމާ ގުޅޭ ގަވާއިދު އިސްލާހުކުރުމަށްފަހު ގެޒެޓްކޮށްފިއެވެ.

މި އިސްލާހުގައި ބުނެފައިވަނީ މާލެ ސަރަޙައްދުގައި ގެއިން ބޭރުގައި އުޅޭއިރު އަނގަ އާއި، ނޭފަތާއި، ދަތްދޮޅި ނިވައިވާ ގޮތަށް މާސްކު އަޅަންޖެހޭނެ ކަމަށެވެ. މިގޮތަށް މާސްކު އެޅުން މަޖުބޫރު ކޮށްފައިވަނީ މި މަހުގެ އެއްވަނަ ދުވަހުން ފެށިގެންނެވެ.

އެހެންނަމަވެސް ވަކި ފަރާތްތަކެއް ގެއިން ބޭރުގައި އުޅޭއިރު މާސްކު އެޅުން އިސްތިސްނާ ވާނެ ކަމަށް މި އުސޫލުގައި ބުނެފައިވެއެވެ. އޭގެތެރޭގައި ހިމެނެނީ:

ރާއްޖޭގައި ކޮވިޑް-19 ފެތުރޭ މިންވަރު އިތުރުވުމާއެކު ބޭރުތެރޭގައި އުޅޭއިރު މާސްކު އެޅުމަށް ވަނީ މަޖުބޫރުކޮށްފައެވެ. އަދި މާސްކު ނާޅާ ބޭރުތެރޭގައި އުޅޭނަމަ 1،000 ރުފިޔާއިން ޖޫރިމަނާކުރާ ގޮތަށް ވަނީ ހަމަޖައްސާފައެވެ.

ރާއްޖޭގައި މިހާތަނަށް އައިއިރު 4,164 މީހުން ވަނީ ކޮވިޑް-19ށް ޕޮޒިޓިވްވެފައެވެ. މިވަގުތު އެކްޓިވް ކޭސްގެ ގޮތުގައި 1،489 މީހުން އެބަތިއްބެވެ.