ކަރަންޓީނު އުސޫލުތަކާއި ޚިލާފުވުމުން ޕެނަމާގެ މޭޔަރު ޖޫރިމަނާކޮށްފި
2 އޯގަސްޓު 2020 | އާދީއްތަ 14:10ހާމަކުރައްވާފައިވަނީ ސޯޝަލް މީޑިއާގައި
ޕެނަމާ ސިޓީގެ މޭޔަރު ހޯސޭ ލުއީސް ފެބްރީގާ
ކަރަންޓީނު އުސޫލުތަކާއި ޚިލާފުވުމުން ޕެނަމާ ސިޓީގެ މޭޔަރު ހޯސޭ ލުއީސް ފެބްރީގާ ޖޫރިމަނާކޮށްފިއެވެ.
އޭނާގެ ސޯޝަލް މީޑިއާގައި އާއްމުކޮށްފައިވާ ޕޯސްޓެއްގައި ވަނީ ކޮވިޑު ކޮންޓްރޯލް ކުރުމަށްޓަކައި ފިޔަވަޅުތަކެއް އެޅުމަށް އެންގެވީ އެމަނިކުފާނު ކަށެވެ. އަދި އުސޫލުތަކާއި ޚިލާފަށް އޭނާ ބޭރަށް ނުކުތުމުން ޖޫރިމަނާކޮށްފައިވާކަމަށާއި، އެ ޖޫރިމަނާ ފައިސާ ދައްކާފައިވާކަމަށެވެ.
ޖޫރިމަނާކުރެވުނުއިރު އޭނާ ހުންނެވީ ފަނޑިޔާރެއްގެ ގެ ކޮޅު ކުރިމަތީގައި ކަމަށާއި ކަންދިމާކުރިގޮތުން އެވަގުތު ފުލުހުން ވެސް ތިބީ އެތަނުގައި ކަމަށް އެ ޕޯސްޓުގައިވެއެވެ. އަދި އޭނާގެ ފަރާތުން އެފަދަ އަމަލެއް ތަކުރާރުނުވާނެ ކަމަށް ވިދާޅުވެ، ހޯސޭ ވަނީ ޕެނަމާގެ ރައްޔިތުންނަށް ކަރަންޓީނުގެ އުސޫލުތަކަށް އަމަލުކުރުމަށް ނަސޭހަތްތެރިވެފައެވެ.
ސެންޓްރަލް އެމެރިކާގެ ގައުމުތަކުގެ ތެރެއިން އެންމެ ގިނައިން ކޮވިޑުގެ ކޭސްތައް ފެނިފައިވަނީ ޕެނަމާއިންނެވެ. އެގޮޔުން 37800 ށް ވުރެ ގިނަ ކޭސް ރިޕޯޓުކޮށްފައިވާއިރު އެ ސިޓީގެ ރައްޔިތުން ކަރަންޓީނުވުމަށް ސަރުކާރުން ނިންމާފައިވަނީ މީގެ ދެހަފްތާ ކުރިންނެވެ.
