ހޮނިހިރު ދުވަހު 91 މީހަކު ފެސިލިޓީއަށް ބަދަލުކުރެވުނު
ހެލްތު އިމަރޖެންސީ އޮޕަރޭޝަން ސެންޓަރ (އެޗްއީއޯސީ)ގެ ތަރުޖަމާން ޑރ. ނަޒްލާ ރަފީގް
ކޮވިޑް-19 ށް ޕޮޒިޓިވްވާ މީހުން ފެސިލިޓީތަކަށް ނުގެންދެވި ލަސްވަނީ މޫސުން ގޯސްވުމުގެ ސަބަބުން ކަމަށް ހެލްތު އިމަރޖެންސީ އޮޕަރޭޝަން ސެންޓަރ (އެޗްއީއޯސީ) ގެ ތަރުޖަމާން ޑރ. ނަޒްލާ ރަފީގް ވިދާޅުވެއްޖެއެވެ.
ހޮނިހިރު ދުވަހު ގެ ރޭ ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޑރ. ނަޒްލާ ވިދާޅުވީ ޕޮޒިޓިވްވާ މީހުން ފެސިލިޓީތަކަށް ނުގެންދެވި ވާކަން ފާހަގަކުރެވިފައިވާ ކަމަށެވެ. މި ފަހުން ކޮވިޑަށް ޕޮޒިޓިވްވާ މީހުން ފެސިލިޓީއަށް ގެންދިއުން ލަސްވާ ކަމަށް ބުނެ އާއްމުންގެ ޝަކުވާތައް ގިނަ ވެފައިވާއިރު، ޑރ. ނަޒްލާ ވިދާޅުވީ މިގޮތަށް ދިމާވަނީ މޫސުން ގޯސްވުމުގެ ސަބަބުން ކަމަށެވެ.
ޑރ. ނަޒްލާ ވިދާޅުވީ ބައެއް ފަރާތްތައް ޕޮޒިޓިވްވުމަށްފަހު، އާއިލާ މީހުން ޓެސްޓުކުރުމަށް ފަހު އެ ފަރާތްތަކުގެ ނަތީޖާ ލިބުމުން ފެސިލިޓީއަށް ދާން އެދޭ ކަމަށެވެ. އެހެންކަމުން، އެ ހާލަތުގައި ފެސިލިޓީއަށް ނުގެންގޮސް މަޑުކުރާ ކަމަށް ވިދާޅުވިއެވެ.
ޑރ. ނަޒްލާ އިތުރަށް ވިދާޅުވީ ހޮނިހިރު ދުވަހު 91 މީހަކު ފެސިލިޓީއަށް ބަދަލުކުރެވުނު ކަމަށެވެ.
