ރާއްޖޭގެ ބޮޑު ސަރަހައްދަކަށް ވައިޓް އެލަރޓް ނެރެފި
31 ޖުލައި 2020 | ހުކުރު 04:19ބޮޑު ސަރަހައްދަކަށް ބޯކޮށްވާރޭ ވެހޭނެ ކަމަށް ވަނީ ލަފާކޮށްފައި
ބޮޑު ސަރަހައްދެއްގެ ކަނޑުގަދަވާނެ ކަމަށް މެޓުން ވަނީ ލަފާކޮށްފައި
ރާއްޖޭގެ ބޮޑު ސަރަހައްދަކަށް ވިއްސާރަވާނެ ކަމަށް ލަފާކޮށް ވައިޓް އެލާޓް ނެރެފިއެވެ.
މޫސުމާއި ބެހޭ ގައުމީ އިދާރާ އިން ވައިޓް އެލަރޓް ނެެރެފައިވަނީ ހެނދުނު ހަތަކުން މެންދުރު 13:00 އަށެވެ. ބޯކޮށް ވާރެވެހުމާއެކު ގުގުރުން އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށް މެޓުން ވަނީ ލަފާކޮށްފައެވެ.
ވައި ޖެހޭނެ ކަމަށް ލަފާކޮށްފައިވަނީ ހުޅަނގު ދެކުނާއި ހުޅަނގުން، ދެކުނު އަތޮޅުތަކަށް ގަޑިއަކު ހަތް މޭލާއި 17 މޭލާއި ދެމެދުގެ ބާރުމިނުގައި ކަމަށާއި، އެހެން ހިސާބުތަކަށް 10 މޭލާއި 20 މޭލާއި ދެމެދުގެ ބާރު މިނުގައި ވައި ޖެހޭނެ ކަމަށް މޫސުމާއި ބެހޭ ގައުމީ އިދާރާ ބުންޏެވެ.
އަދި ވިލާގަނޑުގައި 45 މޭލަށް ވައިގަދަވާނެ ކަމަށް މޫސުމާއި ބެހޭ ގައުމީ އިދާރާ އިން ވަނީ ލަފާކޮށްފައެވެ. ދެކުނުގައި ކަނޑުތައް އާދައިގެ ވަރަކަށް ގަދަވާނެ ކަމަށާއި، އެހެން ހިސާބު ތަކުގެ ކަނޑުތައް ގަދަވާނެ ކަމަށް ލަފާކޮށްފައިވެއެވެ. ރާޅުގެ އުސްމިން ހުންނަނީ ތިން ފޫޓާއި ހަ ފޫޓާ ދެމެދު ކަމަށް ވެސް ވަނީ ލަފާކޮށްފައެވެ.
