ކ. މާލެ
|
30 ޖުލައި 2020 | ބުރާސްފަތި 19:20
ޗައިނާގައި ކޮވިޑް-19 އަށް މީހަކު ޓެސްޓް ކުރަނީ
ޗައިނާގައި ކޮވިޑް-19 އަށް މީހަކު ޓެސްޓް ކުރަނީ
ރޮއިޓަރސް
ކޮވިޑް-19 ޗައިނާގެ ހާލަތު
ޗައިނާގައި އަނެއްކާވެސް ކޮވިޑް-19 ޖެހޭ މީހުންގެ އަދަދުތައް މައްޗަށް ދާން ފަށައިފި
 
ޗައިނާއިން 84,165 މީހުންނަށް ކޮވިޑް-19 ވަނީ ޖެހިފައި
 
96 މީހުންނަކީ އެގައުމުގެ ހުޅަނގު ޝިންޖިއަންގ އަށް ނިސްބަތްވާ މީހުން

ޗައިނާގައި ކޮވިޑް-19 ޖެހޭ މީހުންގެ އަދަދުތައް މައްޗަށްދާން ފަށައިފި އެވެ.

އަންގާރަ ދުވަހު އެގައުމުގެ ނޭޝަނަލް ހެލްތު ކޮމިޝަނުން ހާމަކޮށްފައިވާ ގޮތުގައި ތިން މަސް ދުވަސް ފަހުން އެ ގައުމުގައި އެއް ދުވަހާ އެންމެ ގިނަ އަދަދެއްގެ މީހުންނަށް ވައިރަސް ޖެހިގެން ވަނީ ރިޕޯޓްކޮށްފައެވެ. އެއީ 101 މީހުންނެވެ. ޗައިނާގެ ނޭޝަނަލް ހެލްތު ކޮމިޝަނުން ބުނެފައިވަނީ ބުދަ ދުވަހު 105 މީހުންނަށް ކޮވިޑް-19 ޖެހިފައިވާ ކަމަށެވެ.

ބުދަ ދުވަހު ވައިރަސް ޖެހިފައިވާ މީހުންގެ ތެރެއިން 96 މީހުންނަކީ އެގައުމުގެ ހުޅަނގު ޝިންޖިއަންގ ގައި ދިރިއުޅޭ މީހުންނެވެ. އަންގާރަ ދުވަހު އެ ސަރަހައްދުން 89 މީހަކަށް ވަނީ ކޮވިޑް-19 ޖެހިފައެވެ.

ބުދަ ދުވަހު ކޮވިޑް-19 ޖެހިފައިވާ މީހުންގެ ތެރެއިން ލިއަނިންގ އިން ފަސް މީހުން ވަނީ ފެނިފައެވެ. އެކަކު ބެއިޖިންގ އިން ފެނިފައިވާއިރު ތިން މީހުންނަކީ އެ ގައުމަށް އެތެރެވި މީހުންނެވެ.

ވައިރަސް ހަށިގަނޑުގައި ހުރިކަމުގެ ނިޝާނެއް ނުފެނި 21 މީހަކު ވަނީ ބުދަ ދުވަހު އެ ގައުމުން ފެނިފައެވެ.

ބުދަ ދުވަހާ ހަމައަށް ޗައިނާއިން 84,165 މީހުންނަށް ކޮވިޑް-19 ވަނީ ޖެހިފައެވެ. އަދި 4,634 މީހުން ވަނީ މަރުވެފަ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ސިމާހާ ނަސީމް
0%
0%
0%
0%
0%
0%
ކޮމެންޓް