ރާއްޖެ
ބިދޭސީން ކޮވިޑް-19 އަށް ޕޮޒިޓިވްވުން
ހަތަރު މީހަކު ޕޮޒިޓިވްވެ، ބ. ފިނޮޅު މޮނިޓަރިންއަށް!
ކޮންޓެކްޓް ޓެރޭސިން ހެދުމުގެ މަސައްކަތް ދަނީ ކުރިއަށް
އަޒްލިފާ އަބްދުﷲ, ރާއްޖެ އެމްވީ | 28 ޖުލައި 2020 | އަންގާރަ 01:54
ބ. ފިނޮޅު
ބ. ފިނޮޅުގައި މަސައްކަތް ކުރާ ބިދޭސީންތަކެއް ކޮވިޑް-19 އަށް ޕޮޒިޓިވް ވެއްޖެއެވެ.
ހެލްތް އިމަރޖެންސީ އޮޕަރޭޝަން ސެންޓަރ (އެޗްއީއޯސީ) އިން ބުނީ ޕޮޒިޓިވެ ވެފައިވާ ބިދޭސީންގެ ތެރޭގައި ހިމެނެނީ ބަންގްލަދޭޝްގެ ރައްޔިތަކާއި އިންޑޮނޭޝިޔާގެ ހަތަރު މީހެއް ކަމަށެވެ.
ޕޮޒިޓިވްވި މީހުންގެ ކޮންޓެކްޓް ޓްރޭސިން ހެދުމުގެ މަސައްކަތް ކުރިއަށްދާ ކަމަށާއި ފިނޮޅު އޮތީ މޮނިޓަރިންގެ ހާލަތުގައި ކަމަށް އެޗްއީއޯސީން މައުލޫމާތު ދެއެވެ.
ރާއްޖެއިން ކޮވިޑަށް ޕޮޒިޓިވްވި މީހުންގެ ޖުމުލަ އަދަދު ވަނީ 3369ށް އަރާފައެވެ. ހޯމަ ދުވަހު އިތުރު 13 މީހަކު ބަލިން ރަނގަޅުވެފައިވާއިރު ރާއްޖެއިން ކޮވިޑް-19 ޖެހިގެން ރަނގަޅުވި މީހުންގެ އަދަދު ވަނީ 2547ށް އަރާފައެވެ. އަދި އެކްޓިވް ކޭސްތަކުގެ އަދަދަކީ 792 އެވެ.
