ޔުނައިޓެޑުން ހަމޭސް ހޯދުމަށް މަސައްކަތް ކުރަނީ

ރެއާލް މެޑްރިޑަށް ކުޅެމުން އަންނަ ކޮލަމްބިއާގެ ކެޕްޓަން ހަމޭސް ރޮޑްރިގޭޒް ހޯދުމަށް މެންޗެސްޓާ ޔުނައިޓެޑުން މަސައްކަތް ކުރަމުން އަންނަ ކަމަށް ރިޕޯޓުތައް ބުނެފިއެވެ.

ރިޕޯޓުތައް ބުނާ ގޮތުން ހަމޭސް ހޯދުމަށް ޔުނައިޓެޑުން އޮތީ 23 މިލިއަން ޔޫރޯ ޚަރަދުކުރުމަށް ތައްޔާރަށެވެ. އަދި މި ހަމޭސް ހޯދުމަށް ޔުނައިޓެޑުން މި ހަފުތާ ތެރޭގައި ޔުނައިޓެޑަށް ބިޑް ހުށަހަޅާނެ ކަމަށްވެސް ރިޕޯޓުތައް ބުނެއެވެ.

ހަމޭސް ހޯދުމަށް ޔުނައިޓެޑުން މަސައްކަތް ކުރާއިރު، ރިޕޯޓުތައް ބުނާ ގޮތުން ހަމޭސް ވިއްކާލުމަށް ރެއާލުން އޮތީ ތައްޔާރަށެވެ. ސަބަބަކީ ރެއާލްގެ ކޯޗު ޒިނެދިން ޒިދާންގެ ޕްލޭންގައި ހަމޭސް ނެތުމުންނެވެ. އަނެއްކޮޅުން ހަމޭސް ވަނީ މި ސީޒަނަށްފަހު ރެއާލް ދޫކޮށް އެހެން ކްލަބަކަށް ބަދަލުވާން ބޭނުންވާ ކަމަށް ރެއާލްގެ އިސްވެރިން ކައިރީގައި ބުނެފައެވެ.

ހަމޭސް ގަތުމަށް ޔުނައިޓެޑުން މަސައްކަތް ކުރަމުން އަންނައިރު، ޔުނައިޓެޑުގެ އިތުރަށް ޔޫރަޕްގެ ބޮޑެތި ކްލަބުތަކުން ވެސް އޭނާއަށް އަންނަނީ ފާރަލަމުންނެވެ. އޭގެ ތެރޭގައި ޔުވެންޓަސްގެ އިތުރުން އެވަޓަނުންވެސް ހަމޭސްއަށް ޝައުގުވެރިކަން ފާޅުކޮށްފައިވާ ކަމަށް ރިޕޯޓުތައް ބުނެއެވެ.

މީގެ ކުރިން ޕޯޓޯ އަދި ބެންފީކާއަށްވެސް ކުޅެފައިވާ ހަމޭސް ވަނީ އޭނާ ރެއާލްގައި ހޭދަކުރި ތިން ސީޒަނުގައި ކުޅުނު 111 މެޗުގައި 36 ލަނޑު ކާމިޔާބުކޮށްފައެވެ. އޭނާ ވަނީ ރެއާލް އާއެކު ސްޕެނިޝް ލީގާއި، ޔުއެފާ ޗެމްޕިއަންސް ލީގާއި، ޔުއެފާ ސުޕާ ކަޕް އަދި ފީފާ ކްލަބު ވޯލްޑް ކަޕް، މި ކޮންމެ މުބާރާތެއް ދެ ފަހަރު ކާމިޔާބުކޮށްފައެވެ.

2017-2019 ށް ލޯނު އެއްބަސްވުމެއްގެ ދަށުން ބަޔާން މިއުނިކަށްވެސް ހަމެސް ވަނީ އެޓީމަށް ކުޅެދިން 67 މެޗުގައި 15 ލަނޑު ކާމިޔާބުކޮށްފައެވެ. އަދި ވަނީ ބަޔާން މިއުނިކާއެކު ޖަރުމަން ލީގު ދެ ފަހަރު ކާމިޔާބުކޮށްފައެވެ.