ކުޑަކުއްޖަކު ރޭޕްކުރި މީހަކަށް ދައުވާ ކޮށްފި
24 ޖުލައި 2020 | ހުކުރު 07:07ދައުވާ އުފުލީ ފިއްލަދޫ މީހަކަށް
އަހުމަދު އައްތަފްގެ މައްޗަށް ދައުވާ އުފުލާފައިިވާ ކަމަށް ޕީޖީން ވަނީ ބުނެފައި
އުމުރުން 17 އަހަރުގެ އަންހެންކުއްޖަކާ ކޯޓުން ބޭރުން ކައިވެނިކޮށް އެ ކުއްޖާ ބަލިވެ އިން މައްސަލާގައި މީހަކަށް ދައުވާކޮށްފިއެވެ.
17 އަހަރުގެ އަންހެން ކުއްޖަކު ރޭޕް ކުރި މައްސަލާގައި ދައުވާ ކޮށްފައިވަނީ ހއ. ފިއްލަދޫ، ޝެޑޯޒް، އުމުރުން 23 އަހަރުގެ އަހުމަދު އައްތަފްގެ މައްޗަށެވެ.
ޕޮރެސެކިއުޓަރ ޖެނެރަލްގެ އޮފީހުން ބުނީ، އޭނާގެ މައްޗަށް ދައުވާ އުފުލާފައިވަނީ ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ގަސްދުގައި އަތްލުމުގެ ކުށުގެ ދައުވާ ކަމަށެވެ. އެ މައްސަލަ މ. ކޮޅުފުށި މެޖިސްޓްރޭޓް ކޯޓަށް ހުށަހަޅާފައިވާ ކަމަށް ޕީޖީ އޮފީހުން ބުންޏެވެ.
މި ފަހަކަށް އައިސް ޖިންސީ ގޯނާކުރާ މައްސަލަތައް އިތުރުވެފައިވާއިރު ޕީޖީން ދަނީ އެފަދަ މައްސަލަތައް ހިމެނޭ މީހުންނަށް ދައުވާ އުފުލަމުންނެވެ.
