ޗެމްޕިއަންސް ލީގުގެ ކުއާޓާ ފައިނަލުގައި މޮނާކޯ އާއި ދެކޮޅަށް ކުޅުމައްޓަކާ ބޮރޫޝިއާ ޑޯޓްމަންޑް ދަތުރުކުރަމުންދިޔަ ބަސްކައިރީގައި އެއްޗެށް ގޮވައި ޓީމުގެ ކުޅުންތެރިއަކަށް އަނިޔާ ވެއްޖެ އެވެ.
ބޭރުގެ ބައެށް މީޑިއާތަކުން ރިޕޯޓު ކުރާގޮތުގައި މި ހާދިސާގައި އަނިޔާ ވެފައިވަނީ ޑޯޓްމަންޑަށް ކުޅޭ ސްޕެއިނުގެ ކުޅުންތެރިޔާ މާރކް ބާރްޓާ އަށެވެ. މީޑިއާ ރިޕޯޓްތަށް ބުނާގޮތުން އޭނާގެ ކޮނޑުހުޅަށް އަނިޔާވެ، ހޮސްޕިޓަލުގައި އޭނާއަށް ދަނީ ފަރުވާ ދެމުންނެވެ. ރިޕޯޓްތަށް ބުނާގޮތުން ޓީމުގެ އިތުރު އެއްވެސް ކުޅުންތެރިއަކަށް އަނިޔާ ވެފައެށް ނުވެ އެވެ. އަދި މެޗު ކުޅުމަށް ހަމަޖެހިފައިވާ ސްޓޭޑިއަމް ސަރަހައްދުގައިވެސް އެއްވެސް ނުރައްކަލެށް ނެތެވެ.
ރިޕޯޓްތަށް ބުނާގޮތުން މި ހާދިސާގައި ޓީމު ދަތުރުކުރަމުން ދިޔަ ބަހުގެ ބިއްލޫރިތަށް ވަނީ ތަޅައިގެން ގޮސްފަ އެވެ. ނަމަވެސް މި ހާދިސާ ދިމާވާން މެދުވެރިވި ވަކި ސަބަބެށް އަދި ހޯދިފައެށް ނުވެ އެވެ.
މި ހާދިސާ އާއި ގުޅިގެން މޮނާކޯ އާއި ޑޯޓްމަންޑު ކުޅުމަށް ހަމަޖެހިފައިވާ މެޗު ވަނީ ބުދަ ދުވަހަށް ފަސްކުރެވިފަ އެވެ.
