އިސްލާމިކް މިނިސްޓްރީގެ މުވައްޒަފަކު ކޮވިޑަށް ޕޮޒިޓިވްވެއްޖެ
ކޮންޓެކްޓް ޓްރޭސިން ހެދުމުގެ މަސައްކަތް ދަނީ ކުރަމުން
އިސްލާމިކް މިނިސްޓްރީގެ އިދާރީ މުވައްޒަފަކު ވަނީ ކޮވިޑަށް ޕޮޒިޓިވްވެފައި
އިސްލާމިކް މިނިސްޓްރީގެ މުވައްޒަފަކު ކޮވިޑް-19ށް ޕޮޒިޓިްވެއްޖެއެވެ.
މިނިސްޓްރީގެ އިދާރީ މުވައްޒަފަކު ކޮވިޑަށް ޕޮޒިޓިވްވިކަން އެ މިނިސްޓްރީގެ ޕާރމަނެންޓް ސެކެރެޓަރީ އަބްދުލް ހަސީބް އިސްމާއިލް ވަނީ ރާއްޖެ.އެމްވީ އަށް ކަށަވަރު ކޮށްދެއްވާފައެވެ.
ޕީއެސް ވިދާޅުވީ، އެ އަންހެން މުވައްޒަފު ޕޮޒިޓިވްވެފައިވަނީ މި މަހުގެ 20 ވަނަ ދުވަހު ކަމަށެވެ. ޕޮޒިޓިވްވި އަންހެން މުވައްޒަފަކީ އެ މުވައްޒަފުގެ ފިރިމީހާ ޕޮޒިޓިވްވުމާއި ގުޅިގެން އައިސޮލޭޝަންގައި ހުރި މުވައްޒަފަކެވެ. އެ އަންހެން މީހާއާ ބައްދަލުވި މުވައްޒަފުން އެކަހެރި ކޮށްފައިވާ ކަމަށް ޕީއެސް ވިދާޅުވިއެވެ. އެކަމަކު ކިތައް މުވައްޒަފުންކަމެއް އޭނާ ހާމައެއް ނުކުރައްވައެވެ. އެޗްޕީއޭ އިން ދަނީ ކޮންޓެކްޓް ޓްރޭސިންގް ހެދުމުގެ މަސައްކަތް ކުރަމުންނެވެ.
