މާލެ ސަރަހައްދުގެ ބޯހިޔާވަހިކަން: މިނިސްޓަރ އަސްލަމަށް 5 ސުވާލު!
22 ޖުލައި 2020 | ބުދަ 10:37ހަސަން ލަތީފް ސުވާލު ހުށަހެޅުއްވީ، ލިޔުމުން ޖަވާބު ހޯއްދެވުމަށް
ހުޅުމާލޭގައި ހިޔާ މަޝްރޫއުގެ ދަށުން އިމާރާތްކޮށްފައިވާ 25 ބުރީގެ ޓަވަރުތަކެއް: މާލެ ސަރަހައްދުގައި ދިރިއުޅެން ކަމުނުދާ ތަންތަނުގައި 21،000އަށްވުރެ ގިނަ އާއިލާ ދިރިއުޅޭ
މާލެ ސަރަހައްދުގެ ރައްޔިތުންގެ ބޯހިޔާވަހިކަމާ ގުޅޭގޮތުން، 5 ސުވާލަކަށް ލިޔުމުން ޖަވާބު ހޯދުމަށް، ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ހުށަހަޅުއްވައިފި އެވެ.
މިނިސްޓަރ އޮފް ނޭޝަނަލް ޕްލޭނިންގ ހައުންސިންގ އެންޑް އިފްރާސްޓްރަކްޗަރ މުހައްމަދު އަސްލަމްއަށް ލިޔުމުން، މެމްބަރުން ހަސަން ލަތީފް މަޖިލީހުގެ އިދާރާއަށް ހުށަހަޅުއްވާފައިވާ 5 ސުވާލުގެ ޖަވާބު ލިޔުމުން ހޯއްދެވުމަށްޓަކައި، އެ 5 ސުވާލު މިނިސްޓަރ އަސްލަމް އަށް ފޮނުއްވާނެ ކަމަށް މަޖިލީހުގެ ރައީސް، ރައީސް މުހައްމަދު ނަޝީދު ވަނީ ބުދަ ދުވަހުގެ ޖަލްސާގައި ވިދާޅުވެފަ އެވެ.
ހަސަން ލަތީފް، މިނިސްޓަރ އަސްލަމްގެ އަރިހުން ސާފުކުރެއްވުމަށް އައްސަވާ 5 ސުވާލު:
ދިވެހިރާއްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލައަކީ، މިހާތަނަށް އެއްވެސް ސަރުކާރަކަށް ހައްލު ނުކުރެވިވާ، ދިވެހި ރައްޔިތުން އެންމެ ކަންބޮޑުވާ އެއްމައްސަލަ އެވެ.
ޕްލޭނިންގ އެންޑް ހައުސިންގ މިނިސްޓަރު އަސްލަމް، މި މަހުގެ 6 ވަނަ ދުވަހު ބޭއްވި ނޫސްވެރިންގެ ބައްދަލުވުމުގައި ވިދާޅުވެފައިވަނީ، މާލޭގައި ދިރިއުޅެން ކަމުނުދާ ތަންތަނުގައި 21،013 އާއިލާއެއް ދިރިއުޅެމުންދާ ކަމަށާއި، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ ސަރުކާރުގެ ޓާގެޓަކީ، އެފަރާތްތަކަށް ބޯހިޔާވަހިކަން ފޯރުކޮށްދެއްވުން ކަމަށެވެ.
އަސްލަމް ވިދާޅުވީ، މާލޭގައި ވަރަށް ދަތި ހާލުގައި މީހުން އުޅެމުން އަންނަ ކަމަށާއި އެގޮތުން 600 އަކަ ފޫޓަށް ވުރެ ކުޑަ ތަންކޮޅެއްގެ ތެރޭގައި 21،013 އާއިލާއެއް އުޅެމުންދާ އަންނަ ކަމަށެވެ.
އަސްލަމް ވިދާޅުވެފައިވަނީ، 600 އަކަފޫޓަށްވުރެ، ކުޑަ ތަންކޮޅެއްގައި އާއިލާއެއް ދިރިއުޅޭނަމަ، އެއީ ދިރިއުޅެން ކަމުދާ ތަންކޮޅެއް ކަމަށް މިސަރުކާރުން ނުދެކޭ ކަމަށެވެ.
