ތުޅާދޫގައި މަރުވި މީހާއަކީ ކޮވިޑް މަރެއް ނޫން
19 ޖުލައި 2020 | އާދީއްތަ 04:18ނިޔާވުމަށްފަހު ޓެސްޓް ކުރުމުން ކޮވިޑް-19 އަށް ޕޮޒޓިވްވެފައިވޭ
އާއިޝަތު ޝިއުރާ | 19 ޖުލައި 2020 | އާދީއްތަ 04:18
ބ ތުޅާދޫ
ބ. ތުޅާދޫގައި ހޯމް ކަރަންޓީންގައި ހުއްޓާ ހޮނިހިރު ދުވަހު ނިޔާވި މީހާ އެއީ ކޮވިޑް-19 ގައި ނިޔާވި މީހެއް ނޫންކަމަށް ނިންމާފައިވާކަމަށް ހެލްތް އިމަރޖެންސީ އޮޕަރޭޝަން ސެންޓަރު (އެޗްއީއޯސީ) ގެ ތަރުޖަމާނު ޑރ ނަޒްލާ ރަފީގު ވިދާޅުވެއްޖެ އެވެ.
ހޮނިހިރު ދުވަހުގެ ރޭ އެޗްއީއޯސީން ބޭއްވި ނޫސްވެރިންގެ ބައްދަލުވުމުގައި މިކަމާއި ގުޅޭގޮތުން ވާހަކަ ދައްކަވަމުން ޑރ ނަޒްލާ ވިދާޅުވީ އޭނާ ނިޔާވުމަށްފަހު ޓެސްޓް ކުރުމުން ކޮވިޑް-19 އަށް ޕޮޒޓިވްވެފައިވާ ކަމަށް ނަތީޖާއިން ދައްކާކަމަށެވެ. އެހެންނަމަވެސް އޭނާ ނިޔާވާން މެދުވެރިވި ސީދާ ސަބަބަކީ ހަރޓް އެޓޭކެއް ޖެހުންކަމަށް ޑރ ނަޒްލާ ވިދާޅުވި އެވެ.
ރާއްޖޭގައި މިހާތަނަށް ކޮވިޑް-19 ޖެހިގެން 15 މީހަކު ވަނީ މަރުވެފަ އެވެ.
