މިއަދު ޕޮޒިޓިވްވީ 29 ދިވެހިންނާއި ބަންގްލަދޭޝް މީހެއް
ބުދަ ދުވަހު އިތުރު 19 މީހަކު ވަނީ ބަލިން ރަނގަޅުވެސް ވެފަ
ކޮވިޑް-19 އަށް ރެންޑަމް ސާމްޕަލް ނަގަނީ، މިފަހަކަށް އައިސް ފެންނަ ކޭސްތައް ވަނީ އިތުރުވެފައި
ރާއްޖެއިން އިތުރު 30 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
ބުދަ ދުވަހު ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ކުރި ޓްވީޓެއްގައި ބުނީ، ބުދަ ދުވަހުގެ ހަވީރު 06:00 ގެ ނިޔަލަށް އިތުރު 30 މީހަކު ކޮވިޑް-19ށް ޕޮޒިޓިވްވެފައިވާ ކަމަށާއި، އޭގެ ތެރޭގައި ހިމެނެނީ 29 ދިވެހިންނާއި ބަންގްލަދޭޝް ރައްޔިތެއް ކަމަށެވެ.
އޭގެ އިތުރުން، ބުދަ ދުވަހު އިތުރު 19 މީހަކު ވަނީ ބަލިން ރަނގަޅުވެސް ވެފައެވެ. އެއާއެކު ރާއްޖެއިން ކޮވިޑް-19 ޖެހިގެން ރަނގަޅުވި މީހުންގެ ޖުމުލަ އަދަދު ވަނީ 2321ށް އަރާފައެވެ. އަދި މިވަގުތުގެ އެކްޓިވް ކޭސްތަކުގެ އަދަދަކީ 482 އެވެ.
މިވަގުތުވެސް 47 މީހަކަށް ކަރަންޓީން ފެސިލިޓީތަކުގައި ފަރުވާދެމުން އަންނައިރު، 410 މީހަކަށް އައިސޮލޭޝަން ފެސިލިޓީތަކުގައި ދަނީ ފަރުވާދެމުންނެވެ.
