ދޯކާ އެފްސީގެ ފަރާތުން ނައިފަރު ސްކޫލަށް ދީލަތި އެހީއެއް
14 ޖުލައި 2020 | އަންގާރަ 07:52މި ސާމާނުގެ އަގު 15،000ރ. އަށް އަރާނެ
ދޯކާ އެފްސީން މި ސާމާނު ސްކޫލާ ހަވާލުކޮށްދެއްވަނީ
ކޮވިޑް-19ން ރައްކާތެރިވުމަށް ބޭނުން ކުރެވިދާނެ ސާމާނު ދޯކާ އެފްސީގެ ފަރާތުން ޅ. ނައިފަރު މަދުރަސަތުލް އިފްތިތާހު ސްކޫލަށް ހަދިޔާކޮށްފިއެވެ.
މި ސާމާނު ސްކޫލާ ހަވާލުކޮށްފައިވަނީ މިދިޔަ އާދީއްތަ ދުވަހު ބޭއްވި ހަފުލާއެއްގަވެ. މި ހަފުލާގައި މި ސާމާނު ސްކޫލުގެ ޕްރިންސިޕަލް ޒިޔާދު ރަޝާދާ ހަވާލުކޮށްދެއްވީ ދޯކާ އެފްސީގެ ފަރާތުން މުޙައްމަދު ފިރާގެވެ.
މި ސާމާނުގެ އަގު 15،000ރ. އަށް އަރާނެ ކަމަށާއި، މި ސާމާނު ސްކޫލަށް ހަދިޔާކުރުމުގެ މައިގަނޑު ބޭނުމަކީ ކޮވިޑް-19ގެ މި ދަނޑިވަޅުގައި ސްކޫލުގެ ދަރިވަރުންނަށް އިތުރު ލުއިތަކެއް ހޯދައިދިނުން ކަމަށް ދޯކާ އެފްސީން ބުނެއެވެ.
ދޯކާ އެފްސީން ކޮވިޑް-19ގެ މި ދަނޑިވަޅުގައި އެ ރަށު ސްކޫލަށް ދީލަތި އެހީއެއް ވިއިރު، އެ ޓީމުން އަންނަނީ ނައިފަރުގައި އިޖުތިމާއީ އެކިކަންކަމުގައިވެސް އެހީތެރިވަމުންނެވެ.
