ހުކުރު 14 އޯގަސްޓު 2020
04 މާ
1441 ޒުލްޙައްޖު 24
ފަތިސް 04:48
އިރުއަރާ 06:01
މެންދުރު 12:15
އަސްރު 15:29
އިރުއޮއްސޭ 18:20
އިޝާ 19:34
އިޓާލިއަން ލީގު

ފަހު ވަގުތު ރޮނާލްޑޯ ޔުވެންޓަސް ސަލާމަތް ކޮށްދީފި

  • ޔުވެންޓަސް އާއި އެޓަލާންޓާ ބައްދަލުކުރި މެޗު އެއްވަރުވީ 2-2 ން
  • ޔުވެންޓަސް އެއްވަނައިގައި އޮތީ އަށް ޕޮއިންޓުގެ ލީޑަކާއެކު

ކ. މާލެ | 12 ޖުލައި 2020 | އާދީއްތަ 13:06 | 3,287

ޔުވެންޓަސް އާއި އެޓަލާންޓާ ބައްދަލުކުރި މެޗުގެ ތެރެއިން: މި މެޗު އެއްވަރުވީ 2-2 ން - ގެޓީ އިމޭޖާސް

ފަހު ވަގުތު ޕެނަލްޓީއަކުން ކްރިސްޓިއާނޯ ރޮނާލްޑޯ ވައްދާލި ލަނޑާއެކު އެޓަލާންޓާ އަތުން ޔުވެންޓަސް ސަލާމަތް ވެއްޖެއެވެ.

އިޓާލިއަން ލީގުގައި ހޮނިހިރު ދުވަހުގެރޭ ކުޅުނު މެޗު އެއްވަރުވީ 2-2 ގެ ނަތީޖާއަކުންނެވެ.

ތާވަލުގެ ދެވަނައިގައި އޮތް ލާޒިއޯ ހޮނިހިރު ދުވަހުގެރޭ ސަސުއޯލޯ އަތުން 2-1 ން ބަލިވުމުން، މި މެޗުން މޮޅުވެ ތާވަލުގެ އެއްވަނައިގައި 10 ޕޮއިންޓުގެ ލީޑެއް ނެގުމުގެ ފުރުސަތު ޔުވެންޓަސްއަށް އޮތެވެ. އެކަމަކު ހޮނިހިރު ދުވަހުގެރޭގެ މެޗު އެއްވަރުވުމުން ޔުވެންޓަސް އެއްވަނައިގައި އޮތީ އަށް ޕޮއިންޓުގެ ލީޑަކާއެކުއެވެ.

ޔުވެންޓަސްއަށް 32 މެޗުން 76 ޕޮއިންޓު ލިބިފައިވާއިރު، ލާޒިއޯ ދެވަނައިގައި އޮތީ 32 މެޗުން 68 ޕޮއިންޓާއެކުއެވެ. ޔުވެންޓަސްއާ އެއްވަރުވި އެޓަލާންޓާ އޮތީ ތިންވަނައިގައި 32 މެޗުން 67 ޕޮއިންޓާއެކުއެވެ.

ޔުވެންޓަސްގެ ދަނޑުގައި ކުޅުނު މެޗުގައި އެންމެ ފުރަތަމަ ލަނޑު ޖަހާ ލީޑު ނެގީ އެޓަލާންޓާއިންނެވެ. މެޗުގެ 16 ވަނަ މިނެޓުގައި މި ލަނޑު އެޓީމަށް ކާމިޔާބުކޮށްދިނީ ޑެނިއަލް ޒަޕާޓާއެވެ. އެކަމަކު ދެވަނަ ހާފު ފަށައިގެން ފަސްވަނަ މިނެޓުގައި ލިބުނު ޕެނަލްޓީއަކުން ރޮނާލްޑޯ ވަނީ ޔުވެންޓަސްއަށް ނަތީޖާ އެއްވަރުކޮށްދީފައެވެ.

މެޗުގައި އެޓަލާންޓާއިން އަލުން ލީޑު ނެގީ 80 ވަނަ މިނެޓުގައި ރުސްލާން މަލިނޯސްކީ ޖެހި ލަނޑުންނެވެ. މި މެޗުން ޔުވެންޓަސް ސަލާމަތްވީ ފަހު މިނެޓުގައި ރޮނާލްޑޯ ކާމިޔާބުކުރި ޕެނަލްޓީންނެވެ.

އެޓަލާންޓާއާ އެއްވަރުވި ނަމަވެސް، ޔުވެންޓަސް ވަނީ ލީގު ޗެމްޕިއަންކަން ދިފާއުކުރުމާ ގާތަށް ޖެހިލާފައެވެ.

މީގެ އިތުރުން ލީގުގައި ހޮނިހިރު ދުވަހުގެރޭ ރޯމާ ވަނީ ރަށުން ބޭރުގައި ބްރެޝިއާ އަތުން 3-0 ން މޮޅުވެފައެވެ. މި މޮޅާއެކު އެ ޓީމު އޮތީ 32 މެޗުން 54 ޕޮއިންޓާއެކު ތާވަލުގެ ފަސްވަނައިގައެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.