އިތުރު 47 މީހަކު ކޮވިޑަށް ޕޮޒިޓިވްވެ، އެކްޓިވް ކޭސްތައް 368ށް!
އިތުރު 30 މީހަކު ބަލިން ރަނގަޅުވެފައިވޭ
ކޮވިޑް-19 ގެ ރެންޑަމް ސާމްޕަލް ނަގަނީ، ލޮކްޑައުންއަށް ލުއި ދިން ފަހުންވެސް ގިނަ ކޭސްތަކެއް ދަނީ ފެންނަމުން
ރާއްޖެއިން އިތުރު 47 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭއިން) ހޮނިހިރު ދުވަހު ކުރި ޓްވީޓެއްގައި ބުނީ، އިތުރު 47 މީހަކު ކޮވިޑް-19އަށް ޕޮޒިޓިވްވެފައިވާއިރު، އޭގެ ތެރޭގައި 43 ދިވެހިންވެސް ހިމެނޭ ކަމަށެވެ.
އޭގެ އިތުރުން، ބަންގްލަދޭޝްއަށް ނިސްބަތްވާ 3 މީހަކާއި، އިންޑިއާއަށް ނިސްބަތްވާ މީހެއްވެސް ހޮނިހިރު ދުވަހު ޕޮޒިޓިވްވި މީހުންގެ ތެރޭގައި ހިމެނޭކަމަށް އެޗްޕީއޭއިން ބުނެއެވެ. އެއާއެކު ރާއްޖެއިން މިހާތަނަށް ޕޮޒިޓިވްވި މީހުންގެ ޖުމުލަ އަދަދު ވަނީ 2664ށް އަރާފައެވެ.
އެޗްޕީއޭއިން ބުނީ، އިތުރު 30 މީހަކު ބަލިން ރަނގަޅުވެފައިވާ ކަމަށެވެ. އެއާއެކު ރާއްޖެއިން ކޮވިޑް-19 ޖެހިގެން ރަނގަޅުވި މީހުންގެ ޖުމުލަ އަދަދު 2268ށް އަރާފައިވާއިރު، މިވަގުތު އެކްޓިވް ކޭސްތަކުގެ އަދަދަކީ 368 އެވެ.
މިވަގުތު 97 މީހަކަށް ކަރަންޓީން ފެސިލިޓީތަކުގައި ފަރުވާދެމުންދާއިރު، 330 މީހަކަށް އައިސޮލޭޝަން ފެސިލިޓީތަކުގައި ދަނީ ފަރުވާދެމުންނެވެ.
