އަންގާރަ 11 އޯގަސްޓު 2020
01 މާ
1441 ޒުލްޙައްޖު 21
ފަތިސް 04:47
އިރުއަރާ 06:02
މެންދުރު 12:15
އަސްރު 15:31
އިރުއޮއްސޭ 18:21
އިޝާ 19:35
ތިލަފުށީ ގުދަނުގައި ރޯވި އަލިފާން

ތިލަފުށީގައި ހުރި ގުދަނުގައި ރޯވި އަލިފާން ކޮންޓްރޯލް ކޮށްފި

  • އަލިފާން ކޮންޓްރޯލް ކުރެވުނީ 4 ގަޑި އިރު ފަހުން
  • އަލިފާން ރޯވީ "ސެކިއަރ" ގެ ގުދަނެއްގައި

ކ. މާލެ | 8 ޖުލައި 2020 | ބުދަ 02:39 | 2,578

ތިލަފުށީގައި ހުރި ގުދަނުގައި ރޯވި އަލިފާން ކޮންޓްރޯލް ކުރުމުގެ މަސައްކަތް އެމްއެންޑިއެފް ފަޔަރުން ކުރަނީ - އެމްއެންޑީއެފް

ކ. ތިލަފުށީގައި ހުރި ގުދަނެއްގައި ރޯވި އަލިފާންގަނޑު ކޮންޓްރޯލް ކޮށްފިއެވެ.

އެމްއެންޑިއެފުން ބުނީ ތިލަފުށީގައި ހުރި "ސެކިއަރ ބޭގް" ގުދަނުގައި ރޯވި އަލިފާން ގަނޑު ކޮންޓްރޯލް ކޮށްފައިވަނީ އަންގާރަ ދުވަހުގެ ރޭ ދަންވަރު 12:16 ހާއިރު ކަމަށެވެ. ގުދަނުގައި އަލިފާން ރޯވި ކަމުގެ ރިޕޯޓް ލިބިފައިވަނީ އަންގާރަ ދުވަހުގެ ރޭގެ 8:24 ހާއިރުއެވެ.

އަލިފާން ރޯވުމާއެކު އަލިފާން ކޮންޓްރޯލް ކުރުމަށް ތިލަފުށީގެ ފަޔަރ ޓީމުގެ އިތުރުން އެމްއެންޑީއެފްގެ ފަޔަރ ޓީމެއް މާލެއިން ގޮސް ހަރަކާތްތެރިވެފައިވެއެވެ. އަދި އަލިފާން ނިއްވުމަށްޓަކައި ފޯމް އާއި ފެން ބޭނުންކޮށްފައިވާ ކަމަށާއި، ރޯވީ އެއްމެ ގުދަނެއްގައި ކަމަށެވެ.

އެމްއެންޑީއެފުން ބުނީ އަލިފާން ރޯވި ގުދަނުގައި ހުރީ ފަސޭހައިން އަލިފާން ރޯވާ ޒާތުގެ ތަކެތި ކަމަށާއި، އޭގެ ތެރޭގައި ދަވާދު ގިނަ އަދަދަކަށް ގުދަންކޮށްފައި ހުރި ކަމަށެވެ. މިހާތަނަށް އެ ގުދަނަށް ލިބިފައިވާ ގެއްލުމަށް ސާފެއް ނުވެއެވެ.

ތިލަފުއްޓަކީ މާލެ ކައިރި ސިނާއީ މަސައްކަތް ކުރާ ރަށެއްގެ އިތުރުން ގިނަ އަދަދެއްގެ ވިޔަފާރިތަކުން މުދާ ރައްކާ ކުރުމަށް ގުދަން ހަދާފައި ހުންނަ ރަށެކެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.