ކޮންސްޓްރަކްޝަން ސައިޓުތަކުގައި މަސައްކަތް ކުރުމުގެ ހުއްދަ ދެވޭނީ ވާރކް ވިސާ އޮވެގެން: މޭޔަރު ޝިފާ
3 ޖުލައި 2020 | ހުކުރު 16:17ރިސޯޓު ހަދާށާއި ކޮންސްޓްރަކްޝަން ބޮޑެތި ޕްރޮޖެކްޓް ތަކަށް މީހުން ގެނެސް މުސާރަ ނުދީ ގެންގުޅޭ
މާލޭ ސިޓީ ކައުންސިލްގެ މޭޔަރ ޝިފާ މުހައްމަދު
ކޮންސްޓްރަކްޝަން ސައިޓްތަކުގައި މަސައްކަތް ކުރުމުގެ ހުއްދަ ދެވޭނީ ވާރކް ވިސާ އޮވެގެން ކަމަށް މާލޭ ސިޓީ ކައުންސިލްގެ މޭޔަރ ޝިފާ މުޙައްމަދު ވިދާޅުވެއްޖެއެވެ.
ހުކުރު ދުވަހު ޝިފާ ވިދާޅުވީ ރިސޯޓު ހެދުމަށާއި ކޮންސްޓްރަކްޝަން ބޮޑެތި ޕްރޮޖެކްޓް ތަކަށް މީހުން ގެނެސް މުސާރަ ނުދީ ގެންގުޅޭ ކަމަށެވެ. އަދި އެމީހުންނަށް މުސާރަ ނުދީ މާލެ ތެރެއަށް ދޫކުރާތާ އެތައް އަހަރުތަކެއް ވެފައިވާ ކަމަށް ޝިފާ ވިދާޅުވިއެވެ.
މިއީ ހައްލު ކުރަންޖެހިފައިވާ ބޮޑު މައްސަލައެއްކަން ފާހަގަކޮށް ޝިފާ ވިދާޅުވީ ކޮންސްޓްރަކްޝަން ސައިޓްތަކުގައި މަސައްކަތް ކުރުމުގެ ހުއްދަ ދެވޭނީ ވާރކް ވިސާ އޮވެގެން ކަމަށެވެ.
ބޮޑެތި ޕްރޮޖެކްޓް ތަކަށް މީހުން ގެނެސް މުސާރަ ނުދީ މާލެ ތެރެއަށް ދޫކުރާތާ އެތައް އަހަރުތަކެއް ވެފައިވާކަން ޝިފާ ފާހަގަކުރައްވާފައިވަނީ ބ. އަތޮޅުގައި ހަދަމުންދާ ރިސޯޓެއްގައި މަސައްކަތް ކުރާ ބިދޭސީ މުވައްޒަފުންތަކަކަށް މުސާރަ ނުލިބިގެން ހަމަނުޖެހުންތަކެއް ހިންގާފައިވަނި ކޮށެވެ.
މި ހަމަނުޖެހުމުގައި ހަދަމުންދިޔަ ރިސޯޓަށް ވަނީ ބޮޑެތި ގެއްލުން ތަކެއް ދީފައެވެ. އަދި މި ހަމަނުޖެހުމާއި ގުޅިގެން 19 ބިދޭސީއަކު ފުލުހުންގެ ބެލުމުގެ ދަށަށް ވަނީ ގެންގޮސްފައެވެ.
