ދިވެހިން ރަހީނުކުރުން އެއީ، ގައުމަށް ޢައްދަރުވުން ކަމަށް ޑިފެންސް މިނިސްޓަރު މާރިޔާ އަހުމަދު ދީދީ ވިދާޅުވެއްޖެއެވެ.
ބ. އަތޮޅުގައި ރިސޯޓެއްގެ ގޮތުގައި ތަރައްގީ ކުރަަމުން އަންނަ ބޮޑުފިނޮޅުގައި މަސައްކަތް ކުރަމުންދާ ބިދޭސީންތަކެއް ވަނީ އެ ރަށުގައި ތިބި 12 ދިވެއްސަކު އެ ރަށުން ފައިބަން އުޅުމުގެ ތެރޭގައި ހުރަސްއަޅާ އެ މީހުން ރަހީނުކޮށްފައެވެ. ހުކުރު ދުވަހު ފަތިހު ފުލުހުން ވަނީ ބޮޑުފިނޮޅަށް އަރައި އެ މީހުން ސަލާމަތްކޮށްފައެވެ. ދިވެހިން ރަހީނުކުރުމުގައި ބައިވެރިވި 19 ބިދޭސީއަކު ވަނީ ފުލުހުންގެ ބެލުމަށް ދަށަށް ގެނެސްފައެވެ.
އެ ހާދިސާ ކުށްވެރިކޮށް މާރިޔާ ކުރައްވާފައިވާ ޓްވީޓެއްގައި އެކަމަނާ ވިދާޅުވީ، މުސާރަ ނުލިބުމުން، ދިވެހިންތަކެއްް ރަހީނު ކުރުމަކީ އޯކޭ ކަމެއްގެ ގޮތުގައި ދެކުމަކީ އެއީ ގައުމަށް ޢައްދާރުވުން ކަމަށެވެ.
ބިދޭސީން ދިވެހި ބިމުގައި، ދިވެހިން ރަހީނުކޮށް، މުދަލަށް ގެއްލުން ދިނުމަކީ، މުސާރަ ނުލިބުމުން އޯކޭ ކަމެއް ކަމުގައި ދެކުން އެއީ ގައުމަށް ޢައްދާރުވުން ކަމެއްމާރިޔާ އަހުމަދު ދީދީ - ޑިފެންސް މިނިސްޓަރު
ބޮޑުފިނޮޅު ރިސޯޓުގައި މަސައްކަތް ކުރަމުންދާ މުވައްޒަފުންނަކީ ރައްޔިތުންގެ މަޖިލީހުގެ މިލަންދޫ ދާއިރާގެ މެމްބަރު އަލީ ރިޒާގެ، ރިޒް ކުންފުނީގެ މުވައްޒަފުންތަކެކެވެ. ރާއްޖެ.އެމްވީއާ ވާހަކަ ދައްކަވަމުން ރިޒާ ވިދާޅުވެފައިވަނީ ބިދޭސީންނަށް މުސާރާ ނުދެވިގެން އުޅެނީ އެ ރަށުގެ ވެރިފަރާތުން މުސާރަ ނުލިބުމުގެ ސަބަބުން ކަމަށެވެ.
