އެމްއެމްޕީއާރުސީ ހިޔާނާތާއި ގުޅިގެން ހަތަރު ތަނެއް ބަލައި ފާސްކުރަނީ
މި އޮޕަރޭޝަނާ ގުޅޭ އިތުރު މައުލޫމާތު އޭސީސީން ހާމަކުރާނެ
އެމްއެމްޕީއާރްސީ އޮފީސް
މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން، (އެމްއެމްޕީއަރުސީ) ގެ ބޮޑު ޚިޔާނާތާ ގުޅިގެން ހަތަރު ތަނެއް ބަލައި ފާސްކުރަން ފަށައިފިއެވެ.
ފުުލުހުން ބުނެފައިވަނީ މި މައްސަލައާއި ގުޅިގެން ފުލުހުންނާއި އެންޓި ކޮރަޕްޝަން ކޮމިޝަން (އޭސީސީ) އެސެޓް ރިކަވަރީ ކޮމިޝަން އަދި މީރާއާ ގުޅިގެން ހިންގާ ތަހުގީގަކަށް މާލެ ސަރަހައްދުން ހަތަރު ތަނެއް ބަލައި ފާސްކުރަމުންދާ ކަމަށެވެ. އަދި މި އޮޕަރޭޝަނާ ގުޅޭ އިތުރު މައުލޫމާތު އޭސީސީން ހާމަކުރާނެ ކަމަށެވެ.
އެމްއެމްޕީއާރުސީގެ ޚިޔާނާތުގެ ލިސްޓުގައި ސިޔާސީ ބެފުޅުންނާއި ހުރިހާ ޕާޓީތަކަށް ނިސްބަތްވާ މެންބަރުންވެސް ހިމެނެއެވެ. އެގޮތުން މި ޚިޔާނާތުގެ ފައިސާ 260 ށް ވުރެ ގިނަ ފަރާތްތަކަށް ލިބުނުކަން ވަނީ ހާމަކޮށްފައެވެ.
އޭގެ ތެރޭގައި 18 ވަނަ ރައްޔިތުންގެ މަޖިލީހުގެ 44 މެމްބަރުންނާއި 19 ވަނަ މަޖިލީހުގައި ހިމެނިވަޑައިގަންނަވާ 16 މެމްބަރުން ގެ އިތުރުން މިނިވަން މުއައްސަސާތަކުގައި ތިއްބެވި 5 މެމްބަރުން ހިމެނޭ ކަން ހާމަވެފައިވެއެވެ. އަދި ރައީސް އިބްރާހިމް މުޙައްމަދު ޞާލިޙުގެ ސަރުކާރުގައި ތިއްބެވި 7 ފަރާތަކާއި ކޯޓުތަކުގައި ފަނޑިޔާރުކަން ކުރައްވާ 6 ފަނޑިޔާރަކާއި ކުރީ ސަރުކާރުގެ އެކި މަޤާމުތަކުގައި ތިއްބެވި 23 ފަރާތެއްގެ އިތުރުން ސަލާމަތީ ޚިދުމަތްތަކުގެ ތެރެއިން 7 އޮފިސަރެއް ހިމެނޭ ކަން ހާމަވެފައިވެއެވެ.
