ކައުންސިލް އިންތިހާބު: ފަސް ކެނޑިޑޭޓަކު ނަން އަނބުރާ ގެންގޮސްފި
އެމްޑީޕީގެ ދެ މެމްބަރުން ހިމެނޭ
ވޯޓުލާ މަރުކަޒުގައި އޮފިޝަލުންތަކެއް ހަރަކާތްތެރިވަނީ
ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީ އަށް މަސައްކަތްކުރާ ކޮމިޓީގެ އިންތިހާބަށް ކުރިމަތިލާފައިވާ ކެނޑިޑޭޓުންގެ ތެރެއިން ފަސް ކެނޑިޑޭޓަކުގެ ނަން އަނބުރާ ނަގާފައިވާ ކަމަށް އިލެކްޝަން ކޮމިޝަން (އީސީ) އިން ބުނެފިއެވެ.
އީސީން ވަނީ ނަން އަނބުރާ ނެގި ކެނޑިޑޭޓުންގެ މައުލޫމާތު ގެޒެޓްކޮށްފައެވެ. އޭގެ ތެރޭގައި ހިމެނެނީ، ސަރުކާރުގެ މައި ޕާޓީ އެމްޑީޕީން ކުރިމަތިލި ދެ ކެނޑިޑޭޓުންނާއި އިދިކޮޅު ޕީޕީއެމުން ކުރިމަތިލި އެއް ކެނޑިޑޭޓަކުގެ އިތުރުން އަމިއްލަ ގޮތުން ވާދަކުރި ދެ ކެނޑިޑޭޓުންނެވެ.
ނަން އަނުބުރާ ގެންދިޔަ ކެނޑިޑޭޓުން
އިންތިހާބުގެ ހާއްސަ ގާނޫނު ގެ 3 ވަނަ މާއްދާގެ (ށ) ދަށުން، ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީ އަށް މަސައްކަތްކުރާ ކޮމިޓީގެ އިންތިހާބަށް ކުރިމަތިލާފައިވާ ކެންޑިޑޭޓުންގެ ނަން އަނބުރާ ގެންދިއުމުގެ ފުރުސަތު، ހުޅުވާލީ ޖޫން މަހުގެ 23 ވަނަ ދުވަހުއެވެ.
މި އަަހަރުގެ އޭޕްރީލް މަހު ބާއްވަން ނިންމާފައި އޮތް ލޯކަލް ކައުންސިލްގެ އިންތިހާބާއި އަންހެނުންގެ ތަރައްގީ އަށް މަސައްކުރާ ކޮމިޓީގެ އިންތިހާބު ފަސްކޮށްފައިވަނީ ކޮވިޑް-19އާ ގުޅިގެންނެވެ. އެއާއި އެކު ކައުންސިލްތަކުގެ އިންތިހާބެއް ބޭއްވެންދެން މިހާރު އޮތް ކައުންސިލްތަކުގެ ދައުރު ދެމިގެންދާ ގޮތަށް ގާނޫނުއަސާސީ އަށް އިސްލާހު ގެނެސް އެ އިސްލާހު ވަނީ ތަސްދީގުކޮށްފައެވެ.
