ހޯމަ ދުވަހު ޗައިނާއިން ކޮވިޑް-19 ،19 މީހަކަށް ޖެހުނުއިރު މީގެ ތެރެއިން މިހާރު ކޭސްތައް ފެންނަމުންދާ ބެއިޖިންގއިން ހަތް ކޭސް ފެނިފައިވާކަމަށް ޗައިނާގެ ނޭޝަނަލް ހެލްތު އޮތޯރިޓީން ބުނެފިއެވެ.

އޭގެ ކުރީ ދުވަހު ޗައިނާއިން އަލަށް ވައިރަސް ޖެހިގެން ފެނިފައިވަނީ 7 މީހުންނެވެ. އަދި އަލަށް މިހާރު ވައިރަސް ފެތުރެމުންދާ ބެއިޖިންގއިން އާދިއްތަ ދުވަހު ފެނިގފައިވަނީ 7 މީހުން ކަމަށް ނޭޝަނަލް ހެލްތު ކޮމިޝަނުން ބުނެއެވެ. ހޯމަ ދުވަހު އެއްވެސް މީހަކު ކޮވިޑް-19 ޖެހިގެން ޗައިނާގައި މަރުވެފައެއްނުވެއެވެ.

ބެއިޖިންގއިން އަލަށް ކޭސްތަކެއް ފެންނަން ފެށުމާއެކު ބެއިޖިންގ ގެ މުޅި އާބާދީ ކޮވިޑް-19އަށް ޓެސްޓް ކުރުމުގެ މަސައްކަތް އަންނަނީ ކުރަމުންނެވެ. ސްޓޭޓް ޕޯސްޓް ބިޔުރޯއިން ބުނާގޮތުގައި ޖޫން މަހުގެ 27 ވަނަ ދުވަހާ ހަމައަށް ބެއިޖިންގގެ ޑެލިވަރީ ފަރމްސް ތަކުގައި މަސައްކަތްކުރާ 104،807 (އެއް ލައްކަ ހަތަރު ހާސް އަށް ސަތޭކަ ހަތް) މީހުން ވަނީ ވައިރަހަށް ޓެސްޓް ކޮށްފައެވެ. ނަމަވެސް އެއިން އެއްވެސް މީހަކު ވައިރަހަށް ޕޮޒިޓިވްވެފައިނުވާ ކަމަށް ބިޔުރޯއިން ބުނެއެވެ.

މިހާތަނަށް އައިއިރު ޗައިނާއިން 83،531 މީހަކު ވަނީ ކޮވިޑް-19އަށް ޕޮޒިޓިވްވެފައެވެ. އަދި ވައިރަސް ޖެހިގެން 4،634 މީހުން ވަނީ މަރުވެފައެވެ.