މާލެ ޖަލުން ނެގި ހުރިހާ ސާމްޕަލްތައް ނެގެޓިވް ވެއްޖެ
މާލޭ ޖަލުން 101 ސާމަޕަލް ވަނީ ނަގާފައި
މާލޭ ޖަލު
މާލޭ ޖަލުގެ އީއެސްޖީ އޮފިސަރެއް ކޮވިޑް-19 އަށް ޕޮޒިޓިވްވުމާއި ގުޅިގެން، އެ ޖަލުން ޓެސްޓް ކުރި ހުރިހާ ފަރާތެއްގެ ސާމްޕަލް ނެގެޓިވް ވެފައިވާ ކަމަށް މޯލްޑިވްސް ކަރެކްޝަނަލް ސަރވިސް އިން ބުނެފިއެވެ.
މާލޭ ޖަލުގެ އީއެސްޖީ އޮފިސަރ ކޯވިޑް-19 އަށް ޕޮޒިޓިވް ވެފައިވަނީ 20 ޖޫން 2020 ގައެވެ.
މިކަމާ ގުޅިގެން ކަރެކްޝަންސްއިން ކަނޑައަޅާފައިވާ އުސޫލުތަކާއި އެއްގޮތަށް އަމަލުކޮށް، ހެލްތު ޕްރޮޓެކްޝަން އޭޖެންސީ (އެޗްޕީއޭ) އާ ގުޅިގެން، ހަމަ އެ ދުވަހު ކޮންޓެކްޓް ޓްރޭސިންގެ މަސައްކަތް ކުރިއަށް ވަނީ ގެންގޮސްފައެވެ.
މާލޭ ޖަލުން 101 ސާމަޕަލް ޓެސްޓުކުރުމަށް ނަގާފައިވާއިރު އޭގެ ތެރޭގައި 70 އޮފިސަރުންނާއި މުވައްޒަފުން، 24 ޤައިދީންނާއި ބަންދު މީހުންގެ އިތުރުން 7 ވެއިޓަރުން ހިމެނެއެވެ.
މާލޭ ޖަލުގައި މީގެ ކުރިން ވެސް ކޯވިޑް-19 ގެ އަސަރު ފެތުރިފައިވޭތޯ ބެލުމަށް ނެގި ރެންޑަމް ސާމްޕަލްތަކުގެ ނަތީޖާ ވެސް ނެގެޓިވްވެފައިވާ ކަރެކްޝަންސް އިން މައުލޫމާތު ދެއެވެ.
