ރައްޔިތުންގެ މަޖިލީހުގެ ރައީސް ޢަބްދުﷲ މަސީޙް މުޙަންމަދުގެ އިތުބާރު ނެތްކަމުގެ މައްސަލަ އިދިކޮޅު ފަރާތްތަކުން އަލުން މަޖިލީހަށް ހުށައެޅީ، ސިޔާސީ ގޮތުން ޤައުމު ހަލަބޮލިކޮށް، ހަމަނުޖެހުން ހިންގުމަށް ފުރުސަތު ދިނުމަށްޓަކައި ކަމަށް ރައީސުލްޖުމްހޫރިއްޔާގެ އޮފީހުގެ ސްޕޯކްސްޕަރސަން އިބްރާހީމް މުޢާޒް ޢަލީ ވިދާޅުވެއްޖެ އެވެ.
މުއާޒު މިފަދައިން ވިދާޅުވީ ކުރައްވާފައިވާ ތުވީޓެއްގައެވެ.
މުއާޒު ވިދާޅުވީ، އިދިކޮޅު ފަރާތްތަކުގެ އެންމެ ބޮޑު ބޭނުމަކީ ސަރުކާރުން ކުރިއަށް ގެންދަވާ ތަރައްޤީގެ މަސައްކަތްތަކަށް ގަސްތުގައި ހުރަސްއެޅުން ކަމަށެވެ. އަދި ރާއްޖޭގެ ޑިމޮކްރެސީ ހަރުދަނާ ކުރުމަށްޓަކައި ސަރުކާރުން އިސްނަންގަވައިގެން ރާއްވަވާފައިވާ ސިޔާސީ ޕާޓީތަކުގެ މަޝްވަރާތަކަށް އެއްބާރުލުންދީ، މި މަޝްވަރާތަކުގައި އިދިކޮޅު ފަރާތްތަކުން ބައިވެރިވުމަށް ރައީސުލްޖުމްހޫރިއްޔާގެ އޮފީހުގެ ސްޕޯކްސްޕަރސަން ވަނީ އިލްތިމާސްކުރައްވާފަ އވެެ.
މުއާޒު މިގޮތަށް ވިދާޅުވިއިރު، މަސީހްގެ އިތުބާރު ނެތްކަމަށް 31 މެމްބަރަކު ސޮއިކޮށް އަނެއްކާވެސް ވަނީ ހުށައަޅާފަ އެވެ. މަސީހުގެ އިތުބާރު ނެތްކަމަށް މީގެކުރިން ހުށައެޅީ 26 މެމްބަރުންގެ ވޯޓާއެކުގައެވެ.
