އިތުރު 22 މީހަކު ޕޮޒިޓިވްވެ، އެކްޓިވް ކޭސްތައް 417 އަށް
27 ޖޫން 2020 | ހޮނިހިރު 21:53އިތުރު 12 މީހަކު ބަލިން ރަނގަޅުވެފައިވޭ
ރާއްޖެއިން ފެންނަމުންދާ ކޭސްތަކާ ގުޅިގެން ކޮންޓެކްޓް ޓްރޭސިންގއާއި ސާމްޕަލް ނެގުން އަދިވެސް ކުރިއަށްދޭ
ރާއްޖެއިން އިތުރު 22 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
ހޮނިހިރު ދުވަހުގެރޭ ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ކުރި ޓްވީޓެއްގައި ބުނީ، ރާއްޖެއިން އިތުރު 22 މީހަކު ކޮވިޑް-19 އަށް ޕޮޒިޓިވްވެފައިވާ ކަމަށެވެ. އޭގެ ތެރޭގައި ހިމެނެނީ 4 ދިވެހިންނާއި، ބަންގްލަދޭޝްއަށް ނިސްބަތްވާ 14 މީހެއްގެ އިތުރުން، ސްރީލަންކާއަށް ނިސްބަތްވާ 4 މީހެއްކަމަށް އެޗްޕީއޭއިން ބުނެއެވެ.
އޭގެ އިތުރުން، އިތުރު 12 މީހަކު ބަލިން ރަނގަޅުވެފައިވާއިރު، ބަލިން ރަނގަޅުވި މީހުންގެ ޖުމުލަ އަދަދު ވަނީ 1875 އަށް އަރާފައެވެ.
ހޮނިހިރު ދުވަހު ޕޮޒިޓިވްވި ކޭސްތަކާއެކު، ރާއްޖޭގެ އެކްޓިވް ކޭސްތަކުގެ އަދަދު ވަނީ ހުކުރު ދުވަހާ އަޅާބަލާއިރު އިތުރުވެފައެވެ. އެގޮތުން މިވަގުތު އެކްޓިވް ކޭސްތަކުގެ އަދަދު އުޅެނީ 417 ގައެވެ.
ރާއްޖެއިން މިހާތަނަށް ކޮވިޑް-19 އަށް ޕޮޒިޓިވްވި މީހުންގެ ޖުމުލަ އަދަދަކީ 2305 އެވެ.
