އެމްއެންޑީއެފް ސެންޓްރަލް އޭރިއާ ކޮމާންޑަރުގެ މަޤާމަށް ކާނަލް ޙިލްމީ
މި މަޤާމް ހަވާލުކޮށްދެއްވީ ޗީފް އޮފް ޑިފެންސް ފޯސް މޭޖަރ ޖެނެރަލް ޢަބްދުﷲ ޝަމާލް
އެމްއެންޑީއެފް ސެންޓްރަލް އޭރިއާ ކޮމާންޑަރުގެ މަޤާމަށްހަމަޖެއްސެވި ކާނަލް ޙިލްމީ
އެމްއެންޑީއެފް ސެންޓްރަލް އޭރިއާ ކޮމާންޑަރުގެ މަޤާމަށް ކާނަލް އިބްރާޙީމް ޙިލްމީ ހަމަޖައްސަވައިފިއެވެ.
މައުލޫމާތު ލިބިފައިވާ ގޮތުގައި ބަންޑާރަކޮށީގައި ބޭއްވި ޚާއްޞަ ރަސްމިއްޔާތެއްގައި ކާނަލް އިބްރާހީމް ޙިލްމީ އާ، މި މަޤާމް ހަވާލުކޮށްދެއްވީ ޗީފް އޮފް ޑިފެންސް ފޯސް މޭޖަރ ޖެނެރަލް ޢަބްދުﷲ ޝަމާލެވެ.
މި ރަސްމިއްޔާތުގައި ވައިސް ޗީފް އޮފް ޑިފެންސް ފޯސް ބްރިގޭޑިއަރ ޖެނެރަލް އަބްދުއްރަޙީމް އަބްދުލް ލަތީފް ބައިވެރިވެވަޑައިގެންނެވިއެވެ.
އެމްއެންޑީއެފުން ބުނީ ކާނަލް އިބްރާހީމް ޙިލްމީ، އެމްއެންޑީއެފް ސެންޓްރަލް އޭރިއާ ކޮމާންޑަރުގެ މަޤާމަށް ހަމަޖައްސަވާފައިވަނީ މިވަގުތު އެ އޭރިއާގެ ކޮމާންޑަރުގެ މަޤާމުގައި ހުންނެވި ކާނަލް މުޙައްމަދު އިބްރާޙީމްގެ ޕޯސްޓިންގ ޑިއުޓީ ޓާމް ހަމަވުމާ ގުޅިގެން ކަމަށެވެ.
އެމްއެންޑީއެފް ސެންޓްރަލް އޭރިއާގެ ކޮމާންޑަރުގެ މަޤާމަށް ކާނަލް މުޙައްމަދު އިބްރާޙީމް ހަމަޖައްސަވާފައިވަނީ 2018 ވަނަ އަހަތުގެ ފެބުރުއަރީ މަހުގެ އެއްވަނަ ދުވަހުއެވެ.
