ލޯފާމެއްގެ ތެރޭ ގާނޫނީ ވަކީލަކު މަރުވެފައި އޮއްވަ ފެނިއްޖެ
25 ޖޫން 2020 | ބުރާސްފަތި 17:35އެއީ އުމުރުން 30-35 އަހަރާއި ދެމެދުގެ މީހެއް
އަލީ ސަމާޚް | 25 ޖޫން 2020 | ބުރާސްފަތި 17:35
މާލެ ސިޓީ މަތިން ނަގާފައިވާ މަންޒަރެއް
ރާއްޖޭގެ ގާނޫނީ ވަކީލަކު މަރުވެފައި އޮއްވާ ފެނިއްޖެއެވެ.
ރާއްޖެ.އެމްވީއަށް މައުލޫމާތު ދިން ފަރާތަކުން ބުނީ، އެ ވަކީލު މަރުވެފައި އޮއްވާ ފެނުނީ މާލޭގައި އޭނާ މަސައްކަތް ކުރަމުން އަންނަ ލޯފާމް ތެރެއިން ކަމަށެވެ. އެ މީހާއަކީ ފިރިހެނެއް ކަމަށާއި، އެއީ އުމުރުން 30-35 އަހަރާ ދެމެދުގެ މީހެއް ކަމަށް، ރާއްޖެ.އެމްވީއަށް މައުލޫމާތު ދިން ފަރާތުން ބުންޏެވެ.
މީގެ ކުރިން ޕްރޮސެކިއުޓަރ ޖެނެރަލް (ޕީޖީ) އޮފީހުގައި މަސައްކަތްކުރި އެ މީހާއަކީ ވަކީލެއްގެ ގޮތުގައި މަސައްކަތް ކުރަމުން އަންނަތާ ފަސް އަހަރެއްހާ ދުވަސް ވެފައިވާ މީހެކެވެ. މިކަމާ ގުޅޭ ގޮތުން ރަސްމީ އެއްވެސް އިދާރާއަކުން މައުލޫމާތެއް ހިއްސާކޮށްފައެއް ނުވެއެވެ.
