ރާއްޖެ
ކޮވިޑް-19، ރާއްޖޭގެ ހާލަތު
އިތުރު 21 މީހަކު ކޮވިޑް-19ށް ޕޮޒިޓިވްވެ، 16 މީހަކު ބަލިން ފަސޭހަވެއްޖެ
ރާއްޖޭގައި ޕޮޒިޓިވްވި ކޭސްތަކުގެ އަދަދު ވަނީ 2238ށް އަރާފަ
އުމްނާ އިސްމާއިލް, ރާއްޖެ އެމްވީ | 23 ޖޫން 2020 | އަންގާރަ 17:11
ސާމްޕަލް ނެގުމަށް އާރުއާރުޓީ އިން ހަރަކާތްތެރިވަނީ
އިތުރު 21 މީހަކު ކޮވިޑް-19ށް ޕޮޒިޓިވްވެ، 16 މީހަކު ބަލިން ފަސޭހަވެއްޖެއެވެ.
އެޗްޕީއޭއިން ބުނީ ޕޮޒިޓިވްވި 21 މީހުންގެ ތެރޭގައި ހިމެނެނީ 12 ދިވެހިންނާއި، ބަންގުލަދޭޝްގެ 7 މީހުންނާއި އިންޑިއާ މީހަކާޢި ނޭޕާލް މީހެކެވެ. މިއާއެކު ރާއްޖޭގައި ޕޮޒިޓިވްވި ކޭސްތަކުގެ އަދަދު ވަނީ 2238ށް އަރާފައެވެ.
އެޗްޕީއޭގެ ތަފާސް ހިސާބުތައް ދައްކާގޮތުން މިހާތަނަށް ބަލިން ރަނގަޅުވީ 1829 މީހުންނެވެ. އެހެންކަމުން ފާއިތުވި 24 ގަޑި އިރު ތެރޭގައި ބަލިން ރަނގަޅުވީ އިތުރު 16 މީހުންނެވެ.
