މާލެ ޖަލުގެ އޮފިސަރަކު ކޮވިޑް-19އަށް ޕޮޒިޓިވްވެއްޖެ
20 ޖޫން 2020 | ހޮނިހިރު 17:36ޕޮޒިޓިވްވެފައިވަނީ، މާލެ ޖަލުގައި މަސައްކަތްކުރާ އީއެސްޖީ އޮފިސަރެއް
މާލެ ޖަލު
މާލެ ޖަލުގައި މަސައްކަތްކުރާ އީއެސްޖީ އޮފިސަރެއް ކޮވިޑް-19އަށް ޕޮޒިޓިވްވެއްޖެއެވެ.
ހޮނިހިރު ދުވަހު މޯލްޑިވްސް ކަރެކްޝަނަލް ސަރވިސްއިން ބުނީ، މާލެ ޖަލުގައި މަސައްކަތްކުރާ އީއެސްޖީ އޮފިސަރެއް ކޮވިޑް-19 އަށް ޕޮޒިޓިވް ވުމާގުޅުގެން، އެ ސަރވިސްއިން ކަނޑައަޅާފައިފާ އުސޫލުތަކާ އެއްގޮތަށް އަމަލު ކުރަމުންދާ ކަމަށެވެ. އެގޮތުން، ހެލްތް ޕްރޮޓެކްޝަން އެޖޭންސީ (އެޗްޕީއޭ) އާ ގުޅިގެން ކޮންޓެކްޓް ޓްރޭސިންގ ހެދުމާއިއެކު އޮފިސަރުންނާއި ގައިދީން ކޮވިޑް-19އަށް ޓެސްޓުކުރުމަށް ކުރަންޖެހޭ މަސައްކަތް ކުރަމުންދާ ކަމަށްވެސް ކަރެކްޝަނުން ބުނެއެވެ.
މިއީ ކަރެކްޝަންސްގެ ބެލުމުގެ ދަށުން ހިންގާ ޖަލެއްގައި މީހަކު ކޮވިޑް-19އަށް ޕޮޒިޓިވްވި ފުރަތަމަ ފަހަރެވެ. ކަރެކްޝަންސް ބެލުމުގެ ދަށުގައި ހަތަރު ޖަލެއް ހިމެނޭއިރު އެ ހުރިހާ ޖަލުތަކުގައި ވެސް ވައިރަސް ނެތްކަން ޔަގީން ކުރުމަށް ރެންޑަމް ސާމްޕަލް ނެގި އެވެ. އެ ހުރިހާ ސާމްޕަލްތަކެއް ވަނީ ނެގެޓިވްވެފަ އެވެ.
ރާއްޖޭގައި މިހާތަނަށް ކޮވިޑް-19 ޖެހިފައިވަނީ 2150 މީހުންނަށެވެ. މިބަލީގައި 8 މީހަކު ނިޔާވެފައިވާއިރު، މިހާރު މިބަލީގައި މިހާރު ފަރުވާ ދެމުންދަނީ 371 މީހަކަށެވެ. ކޮވިޑް-19 ޖެހުނު 1769 މީހަކު ވަނީ މިބަލިން ރަނގަޅު ވެފައެވެ.
