މައިމޫނާ އެޑްމިޓް ކުރުމަށްފަހު، ދޫކޮށްލައިފި
20 ޖޫން 2020 | ހޮނިހިރު 10:18މައިމޫނާ އެޑްމިޓްކުރީ ކުޑަ ވަގުތުކޮޅަކަށް، މިހާރު ވަނީ ދޫކޮށްލާފައި
ޑިރެކްޓަރ ޖެނެރަލް އޮފް ޕަބްލިކް ހެލްތް މައިމޫނާ އަބޫބަކުރު: ކޮވިޑް-19 ރޯގާ އާގުޅިގެން ރައްކާތެރިކަމުގެ ގިނަ ފިޔަވަޅުތަކެއް އަޅުއްވަމުން ގެންދެވި
ޑިރެކްޓަރ ޖެނެރަލް އޮފް ޕަބްލިކް ހެލްތް މައިމޫނާ އަބޫބަކުރު، ކުޑަ ވަގުތު ކޮޅަކަށް އެޑްމިޓް ކުރުމަށްފަހު ދޫކޮށްލައިފިއެވެ.
ޑިރެކްޓަރ ޖެނެރަލް އޮފް ޕަބްލިކް ހެލްތަކީ، އާންމު ސިއްހަތު ރައްކާތެރިކުރުމުގެ ގާނޫނުގެ ދަށުން އުފައްދާފައިވާ ހެލްތް ޕްރޮޓެކްޝަން އެޖެންސީ (އެޗްޕީއޭ)ގެ އެންމެ އިސްވެރިޔާއެވެ.
މައިމޫނާގެ ބަލިހާލަތާ ގުޅޭގޮތުން މައުލޫމާތު އޮޅުން ފިލުވުމަށް، ކޮވިޑް-19 ރޯގާ ރާއްޖޭގައި ފެތުރުނަ ނުދިނުމަށްޓަައި އަދި ކޮވިޑް-19 އިން ރައްކާތެރިވުމަށާއި އާންމު މައުލޫމާތު ހިއްސާކުރުމަށް އެކުލަވާލާފައިވާ ނޭޝަނަލް އެމަޖެންސީ އޮޕަރޭޝަން ސެންޓަރުގެ ތަރުޖަމާނު މަބްރޫކް އަޒީޒްއަށް ގުޅާލުމަށް ފޯނަށް ޖަވާބު ދެއްވާފައިނުވާތީ މިކަމުގެ މާބޮޑު މައުލޫމާތެއް ސާފުވާގޮތްވަނީ ނުވެފައެވެ. ނަމަވެސް މަބްރޫކްއާ ހަވާލާދީ. ބައެއް މީޑިއަތަކުން ރިޕޯޓްކޮށްފައިވާ ގޮތުގައި، ހުކުރު ދުވަހު ކުޑަ ވަގުތު ކޮޅަކަށް މައިމޫނާ ވަނީ އެޑްމިޑް ކުރައްވާފައެވެ. އަދި މިހާރު ދޫކޮށްލާފައިވާ ކަމަށާއި ހާލު ރަނގަޅު ކަމަށްވެސް މަކްރޫކް ވިދާޅުވެފައި ވެއެވެ.
ކޮވިޑް-19 ރޯގާއާ ގުޅިގެން ހެލްތް މިނިސްޓަރ އިއުލާން ކުރައްވާފައިވާ ކުއްލި ނުރައްކަލުގެ ހާލަތާއި އަދި އެޗްޕީއޭއިން އަންގަމުންދާ އެންގުތަންތަކީ ޑިރެކްޓަރ ޖެނެރަލް އޮފް ޕަބްލިކް ހެލްތް މައިމޫނާގެ ލަފާގެ މަތިންނާއި ސީދާ އެކަމަނާގެ އަންގަވަމުންދާ އެންގުންތަކެކެވެ.
ކޮވިޑް-19އާ ގުޅިގެން ރާއްޖޭގައި އެކަށީގެންވާ ރަނގަޅު ފިޔަވަޅުތަކެއް އަޅާފައިވާ ކަމަށް ދުނިޔޭގެ ސިއްހަތު ޖަމިއްޔާ ޑަބްލިޔުއެޗްއޯއާއި ދިވެހި ގިނަ ރައްޔިތުންވެސް ގަބޫލް ކުރެއެވެ. ރާއްޖޭގައި މިހާތަކަށް ކޮވިޑް-19 ޖެހިފައިވަނީ 2150 މީހުންނަށެވެ. މިބަލީގައި 8 މީހަކު ނިޔާވެފައިވާއިރު، މިހާރު މިބަލީގައި ފަރުވާ ދެމުންދަނީ 371 މީހަކަށެވެ. ކޮވިޑް-19 ޖެހުނު 1769 މީހަކު ވަނީ މިބަލިން ރަނގަޅު ވެފައެވެ.
