ރާއްޖޭގެ ބޮޑު ބަޔަކަށް ޔެލޯ އެލާރޓް ނެރެފި
13 ޖޫން 2020 | ހޮނިހިރު 12:52ޔެލޯ އެލާރޓް ނެރެފައިވަނީ ހއ. އިން ތ. އަތޮޅާއި ދެމެދުގެ ރަށްތަކަށް
އަޒްލިފާ އަބްދުﷲ | 13 ޖޫން 2020 | ހޮނިހިރު 12:52
ވިއްސާރަ ދުވަހެއް ދައްކުވައިދޭ ފޮޓޯއެއް
މޫސުން ގޯސްވުމުގެ ސަބަބުން ރާއްޖޭގެ ބޮޑު ބަޔަކަށް ޔެލޯ އެލަރޓް ނެރެފިއެވެ.
މެޓް އޮފީހުން ޔެލޯ އެލާރޓް ނެރެފައިވަނީ ހއ. އަތޮޅުން ފެށިގެން ތ. އަތޮޅާއި ދެމެދުގެ ރަށްތަކަށެވެ. ޔެލޯ އެލަރޓް ނެރެފައިވަނީ ހޮނިހިރު ދުވަހުގެ ހަވީރު 5:30ން ރޭގަނޑު 8:30 އަށެވެ.
މެޓް އޮފީހުން ބުނީ ހއ. އަތޮޅުން ފެށިގެން ތ. އަތޮޅުގެ ރަށްތަކަށް ގަޑިއަކު 25 މޭލާއި 30 މޭލާއި ދެމެދުގެ ބާރު މިނުގައި ވައި ޖެހޭނެ ކަމަށާއި އަދި ވިލާގަނޑުގައި ގަޑިއަކު 55 މޭކަށް ވައިގަދަވެ ކަނޑުތައް ގަދަވާނެ ކަމަށެވެ. ވައި ގަދަވެ ކަނޑު ދަގަވާނެކަމަށް ލަފާކުރެވޭތީ އާއްމުކޮށް ހުރިހާ ފަރާތްތަކުން މޫސުމަށް ސަމާލުމަށް މެޓް އޮފީހުން ވަނީ އިލްތިމާސްކޮށްފައެވެ.
