އިތުރު 27 މީހަކު ކޮވިޑް-19ށް ޕޮޒިޓިވް، ޖުމްލަ އަދަދު 2000 އަށްވުރެ މައްޗަށް
މިއާއި އެކު ރާއްޖެއިން ކޮވިޑަށް ޕޮޒިޓިވް މީހުންގެ ޖުމްލަ އަދަދު ވަނީ 2003ށް އަރާފަ
ކޮވިޑް-19ގެ ސާމްޕަލްއެއް ނެގުމުގެ މަސައްކަތް ކުރިއަށްގެންދަނީ
އިތުރު 27 މީހަކު ކޮވިޑް-19ށް ޕޮޒިޓިވްވެއްޖެއެވެ.
ޕޮޒިޓިވްވި މީހުންގެ ތެރޭގައި ހިމެނެނީ 14 ދިވެހިންނާއި، ބަންގްލަދޭޝްއަށް ނިސްބަތްވާ 12 މީހަކާއި، އިންޑިއާގެ ރައްޔިތެކެވެ. އެއާއިއެކު ރާއްޖެއިން ކޮވިޑް-19 ޖެހުނު މީހުންގެ އަދަދު ވަނީ 2003 ށް އަރާފައެވެ.
މީގެއިތުރުން، އިތުރު 40 މީހަކު ބަލިން ފަސޭހަވުމާއިއެކު ބަލިން ރަނގަޅުވި ޖުމްލަ މީހުންގެ އަދަދު ވަނީ 1193ށް އަރާފައެވެ.
އެޗްޕީއޭގެ ތަފާސް ހިސާބުތައް ދައްކާގޮތުން ރާއްޖެއިން ކޮވިޑް-19ށް ފަރުވާ ހޯދަމުންދަނީ ޖުމްލަ 800 މީހުންނެވެ.
އިތުރު 27 މީހަކު ކޮވިޑް-19 އަށް ޕޮޒިޓިވްވިއިރު، ލޮކްޑައުންއަށް ލުއި ދިނުމުގެ 2 ވަނަ ފިޔަވަހި ފެށުމަށް ސަރުކާރުން އަންނަނީ ތައްޔާރުވަމުންނެވެ. އެގޮތުން ޖޫން މަހުގެ 15 ވަނަ ދުވަހުން ފެށިގެން 2 ވަނަ ފިޔަވަހި ފަށައިގަންނާނެކަމަށް ސަރުކާރުން ހާމަކުރެ އެވެ. 2 ވަނަ ފިޔަވަހީގައި ހުއްދަ ނެގުމަކާއި ނުލާ ބޭރަށް ނިކުތުމުގެ ހުއްދަ ހުރިހާ ފަރާތްތަކަށްވެސް ލިބިގެންދާނެ އެވެ.
