ޗައިނާ އެހީގެ ތިން ވަނަ ޝިޕްމެންޓް ރާއްޖެ އައިސްފި

ރާއްޖެއިން ކޮވިޑް-19 އާ ދެކޮޅަށް ކުރާ މަސައްކަތަށް ޗައިނާ އިން ދޭ އެހީގެ ތިން ވަނަ ޝިޕްމެންޓްގެ ސާމާނު ރާއްޖެ އައިސްފި އެވެ.

ޗައިނާއިން ރާއްޖެއަށް ކަނޑައަޅުއްވާފައިވާ ސަފީރު ޒަންގް ލީޒޮންގް ވަނީ އެ ގައުމުން ރާއްޖެ އަށް ހަދިޔާކުރި ތަކެތީގެ ތަފްސީލު ޓްވިޓާގައި ހިއްސާކުރައްވާފަ އެވެ.

ޗައިނާއިން ރާއްޖެ އަށް ހަދިޔާކޮށްފައިވާ ސިއްހީ އާލާތްތައް:

ޗައިނާއިން ރާއްޖެ އަށް ހަދިޔާކުރި ތަކެއްޗަށް ފޮރިން މިނިސްޓަރު އަބްދުﷲ ޝާހިދު ވަނީ ޗައިނާ ސަރުކާރަށް ހާއްސަ ޝުކުރު އަދާކުރައްވާފަ އެވެ.

ރާއްޖެއިން ކޮވިޑް-19 އާ ދެކޮޅަށް ކުރަމުންދާ މަސައްކަތުގައި ޗައިނާ އިން ދަނީ އެކި ގޮތް ގޮތުން އެހީތެރިކަން ފޯރުކޮށް ދެމުންނެވެ. މާސްކު އަދި ޕަރސަނަލް ޕްރޮޓެކްޓިވް އިކުއިޕްމެންޓުގެ އިތުރުން ސިއްހީ އެހެނިހެން އާލަތްތައް ޗައިނާއިން ވަނީ މީގެ ކުރިންވެސް ހަދިޔާކޮށްފަ އެވެ.

ކޮވިޑް-19 އާ ގުޅިގެން ޗައިނާ ސަފީރު ގެންދަވަނީ ރާއްޖެއާ ވަރަށް ގާތުން މަސައްކަތް ކުރައްވަމުންނެވެ. އަދި ސަފީރު ވަނީ މި ހާލަތުން އަރައިގަތުމަށް ޗައިނާގެ ފުރިހަމަ އެހީތެރިކަން ލިބޭނެކަމުގެ ޔަގީންކަން އަރުއްވާފަ އެވެ. އޭގެ އިތުރުން ރާއްޖެ އިން އަމަލު ކުރަމުންދާގޮތަށް ޗައިނާއިން ދަނީ ތައުރީފް ކުރަމުންނެވެ.

ރައީސް އިބްރާހިމް މުހައްމަަދު ސޯލިހުގެ ލީޑަރޝިޕްގެ ދަށުން ރާއްޖެއިން ކޮވިޑް-19 އަރައިގަނެވޭނެ ކަމުގެ ފުރިހަމަ ޔަގީންކަން ޗައިނާ އަށް އެބައޮތް ކަމަށް ޗައިނާގެ ފޮރިން މިނިސްޓަރު ވަންގް ޔީ ވެސް ވަނީ، ވިދާޅުވެފައި އެވެ.