ކ. މާލެ
|
7 ޖޫން 2020 | އާދީއްތަ 13:26
ޑީޖޭއޭގެ ކުރީގެ އެޑްމިނިސްޓްރޭޓަރ ހަސަން ސައީދު ހުސައިން
ޑީޖޭއޭގެ ކުރީގެ އެޑްމިނިސްޓްރޭޓަރ ހަސަން ސައީދު ހުސައިން
ގޫގުލް
ޑީޖޭއޭގެ ކުރީގެ އެޑްމިނިސްޓްރޭޓަރ
ކުރީގެ ޖުޑީޝަލް އެޑްމިނިސްޓްރޭޓަރ ހަސަން ސައީދުގެ ޖަލު ހުކުމް ހައިކޯޓުން ބާތިލް ކޮށްފި
 
ހައިކޯޓުން ނިންމީ، ކްރިމިނަލް ކޯޓުގެ ހުކުމް ސައްހަ ނޫންކަމަށް، އެހެންކަމުން އެހުކުމް ބާތިލް ކަމަށް
 
ކްރިމިނަލް ކޯޓުން ޝަރީއަތް ހިންގީ ބަންދުކޮށްފައި ބަހައްޓައިގެން
 
މިއީ 1 ފެބްރުއަރީގެ މައްސަލާގައި ކުރި ދައުވާއެއް

ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ކުރީގެ ޖުޑީޝަލް އެޑްމިނިސްޓަރޭޓަރ ޙަސަން ސަޢީދު ޙުސައިންގެ މައްޗަށް ކްރިމިނަލް ކޯޓުން އިއްވާފައިވާ ޖަލު ހުކުމް ހައިކޯޓުން ބާޠިލް ކޮށްފި އެވެ.

ހައިކޯޓުގައި ފުރަތަމަ ފަހަރަށް ވެބް ކޮންފަރެންސް މެދުވެރިކޮށް ލައިވްކުރި، މިޝަރީއަތުގެ އަޑުއެހުމުގައި ހައިކޯޓުގައި މިމައްސަލަ ބެއްލެވި ފަނޑިޔާރުންގެ ބެންޗުގެ އިއްތިފާގުން ނިންމާފައިވަނީ، ގާނޫނުލްއުގޫބާތުގެ 533 ވަނަ މާއްދާގެ (ހ) 1 ވަނަ ނަމްބަރާއި 2 ވަނަ ނަމްބަރުގެ އެކެއްގެ ދަށުން، ގާނޫނު ހިންގުމަށް ހުރަސްއެޅުމުގެ ކުށުން ހަސަން ސައީދު ހުސައިން ކުއްވެރި ވެއްޖެކަމަށް ކަނޑައަޅައި، އުގޫބާތެއްގެ ގޮތުން، 4 މަހާއި 24 ދުވަހަށް ޖަލަށްލުމަށް ކޮށްފައިވާ ހުކުމަށް ބަދަލު ގެންނަން ޖެހޭ ކަމަށެވެ.

އެހެންކަމުން ކްރިމިނަލް ކޯޓުން ކޮށްފައިވާ ހުކުމް ސައްހަ ނޫންކަމަށް ކަނޑައެޅުމާއެކު އެ ހުކުމް ބާޠިލް ކުރާކަމަށް ހައިކޯޓުގައި އެމައްސަލަ ބެއްލެވި ފަނޑިޔާރުންގެ އިއްތިފާގުން ވަނީ ހުކުމް ކޮށްފަ އެވެ.

ހަސަން ސައީދު ހުސައިންގެ މައްޗަށް ގާނޫނު ހިންގުމަށް ހުރަސް އެޅުމުގެ ކުށް ސާބިތުވެ ހަތަރު މަހާއި 24 ދުވަހަށް ޖަލަށްލާފައި ވަނީ 2018 ފެބްރުއަރީ 1 ވަނަ ދުވަހު ސްޕްރީމް ކޯޓުން ކުރި އަމުރާ ގުޅިގެން ހަސަން ސައީދު ހުސައިން ހޯދުމަށް ފުލުހުން މަސައްކަތް ކުރަން ފެށުމުން ފުލުހުންނަށް ފިއްލަވައިގެން އުޅުއްވި މައްސަލައިގައެވެ.

ގާނޫނު ހިންގުމަށް ހުރަސް އެޅުމުގެ ކުށުގެ ދައުވާގެ އިތުރުން، ހަސަން ސައީދު ހުސައިންގެ މައްޗަށް އުފުލި ރިޝްވަތު ދިނުމުގެ ދައުވާ ކްރިމިނަލް ކޯޓުން ވަނީ ބާތިލް ކޮށްފަ އެވެ.

ހަސަން ސައީދު ހުސައިން ހައްޔަރުކޮށްފައި ވަނީ ކުއްލި ނުރައްކަލުގެ ހާލަތު އިއުލާނުކޮށް ފެބްރުއަރީ މަހުގެ 5 ވަނަ ދުވަހުގެ ރޭގެ ވަގުތެއްގައި ސްޕްރީމް ކޯޓުގައި ހުންނަވަނިކޮށެވެ. ހަމަ އެރޭ އޭރުގެ އުއްތަމަ ފަނޑިޔާރު އަބްދުﷲ ސައީދު އަދި ސުޕްރީމް ކޯޓުގެ އޭރުގެ ފަނޑިޔާރެއް ކަމަށްވާ އަލީ ހަމީދު ވެސް ހައްޔަރުކޮށްފައި ވެއެވެ. އެ ބޭފުޅުން ހައްޔަރުކުރީ، ފުލުހުންނާއި ސިފައިން ގަދަކަމުން ސުޕްރީމް ކޯޓަށް ވަދެގެން ނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
33%
0%
0%
33%
0%
33%
ކޮމެންޓް