"ދިރާގު ޕްލޭ" ގެ ނަމުގައި މޮބައިލް ޑިވައިސްތަކުން ލައިވް ޓީވީ، އަދި ވީޑިއޯ އޮން ޑިމާންޑްގެ ތަފާތު ގިނަ ކޮންޓެންޓް ބަލާލެވޭފަދަ މޮބައިލް އެޕްލިކޭޝަނެއް ދިރާގުން ތަޢާރަފުކޮށްފިއެވެ.

ދިރާގުން މި އެޕްލިކޭޝަން ތައާރަފްކޮށްފައިމިވަނީ ލޮކްޑައުންގެ ސަބަބުން ގޭގައި ހުންނަން ޖެހިފައިވުމުން މުނިފޫހިފިލުވުމުގެ ޚިދުމަތްތަކުގެ ބޭނުން ވަރަށް ބޮޑަށް ބޭނުންޖެހިފައިވާ ދަނޑިވަޅެއްގައެވެ.

ދިރާގުން ބުނީ މި އެޕްލިކޭޝަން އަކީ ހަމައެކަނި ލައިވް ޓީވީ ބަލާލެވޭ އެޕްލިކޭޝަނެއް ނޫން ކަމަށެވެ. އަދި މި އެޕުން ޕްރޮގުރާމްތައް ކުރީބައިގައި ރިކޯޑް ވެސް ކޮށްލެވޭނެ ކަމަށާއި ހަދާންނެތިގެން ބޭނުންވާ ޕްރޮގުރާމެއް އެއް ބަލާނުލެވިއްޖެ ހާލަތެއްގައި އަލުން އެ ޕްރޮގުރާމެއް ބަލާލެވޭނެކަމަށެވެ. ހަމައެއާއެކު ބަލަމުން ގެންދާ ޕްރޮގުރާމެއް ބަލަމުން ދާއިރު އަލުން އެ ޕްރޮގުރާމެއް ފަށައިގެން ބަލާލެވޭނެ ކަމަށް ދިރާގުން ބުންޏެވެ.

ލައިވް ޓިވީ ރިކޯޑިންގ:ދިރާގުން ބުނީ މިހާރު ޓީވީ ތަކުން ފޮނުވާ ޕްރޮގުރާމެއް ނޫނީ ޝޯވ އެއް ދައްކާވަގުތު އެ ޕްރޮގުރާމެއް ނުބެލިނަމަ ދިރާގު ޕްލޭގެ ރިކޯޑިންގ ފީޗަރ އިން ކުރީބައިގައި ޕްރޮގުރާމްތައް ރިކޯޑް ކުރުމަށް ޝެޑިއުލް ކުރެވޭނެކަމަށެެވެ. އަދި ޕްރޮގުރާމެއް ދައްކަމުންދާ ވަގުތުވެސް ރިކޯޑު ކުރެވޭނެ ކަމަށެވެ.

އަލުން ލައިވް ޓީވީ ރީސްޓަރޓް ކޮށްލެވުން:ދިރާގު ޕްލޭ ގެ "ރީސްޓަރޓް" ފީޗަރ މެދުވެރިކޮށް މިހާރު ބަލަމުން ގެންދާ ޕްރޮގުރާމެއް އަންނަމުން ދާއިރު އެ ޕްރޮގުރާމެއް އަލުން ފަށައިގެން ބަލާލެވޭނެ ކަމަށް ދިރާގުން ބުންޏެވެ.

އެއް ޑިވައިސް އަށް ވުރެ ގިނަ ޑިވައިސް އިން އެއްފަހަރާ ބޭނުނެކުރެވުން:ދިރާގުން ބުނީ މި އެޕް މެދުވެރިކޮށް ލައިވް ޓީވީ އަދި ދިރާގު ޓީވީގެ ވީއޯޑީ ކޮންޓެންޓް ތިން ޑިވައިސް އިން އެއްފަހަރާ ބަލާލެވޭނެކަމަށެވެ.

ދިރާގު ވީޑިއޯ އޮން ޑިމާނޑް:ދިރާގު ވީޑިއޯ އޮން ޑިމާންޑް (ވީ. އޯ. ޑީ) ގެ ކޮންޓެންޓް ވެސް ދިރާގު ޕްލޭ އެޕުން ބަލާލެވޭނެއެވެ. ދިރާގުން ބުނީ ވީ.އޯ.ޑީ އަކީ މުނިފޫހިފިލުމުވުމަށް ފިލްމާއި ސީރީޒް އިން ފެށިގެން ގޮސް ތުއްތުކުދިންނަށާއި ސްކޫލް ކުދިންނަށް މުހިންމު މައުލޫމާތު ހިމެނޭ ޚާއްސަ ޝޯވ ތަކާއި ޕްރޮގުރާމްތައް އެކުލެވިގެންވާ ބައެއް ކަމަށެވެ. އެގޮތުން، އޯލެވެލް އާއި އޭލެވެލްގައި ކިޔަވާ ކުދިންނަށް މުހިންމު ފިލާވަޅުތަކެއް ހިމެނޭ "އެޑިއު ޒޯން" ގެ ކޮންޓެންޓްވެސް ދިރާގު ޕްލޭ އެޕުން ބަލާލެވޭނެ ކަމަށް ދިރާގުން ބުންޏެވެ.

ޓިވީ ޕްރޮގުރާމް ގައިޑް އަދި ކެޗްއަޕް:ދިރާގުން ބުނީ މި އެޕް މެދުވެރިކޮށް ޗެނަލްތަކުގެ ޕްރޮގްރާމް ގައިޑް ފަސޭހައިން ބަލާލެވޭނެ ކަމަށެވެ. އެގޮތުން ކުރިން ދައްކާފައިވާ ޕްރޮގުރާމްތަކަކީ ކޮބައިކަމާއި ކުރިއަށް އޮތް ދުވަސްތަކުގައި ދައްކަން ހަމަޖެހިފައިވާ ޕްރޮގުރާމްތައް ވެސް ބަލޭލެވޭނެ ކަމަށެވެ. ކެޗްއަޕް ފީޗަރ އިން ހަދާންނެތިގެން ބޭނުންވާ ޕްރޮގުރާމެއް ބަލާނުލެވިއްޖެ ނުވަތަ ރިކޯޑް ކޮށް ނުލެވިއްޖެ ހާލަތެއްގައި އަލުން އެ ޕްރޮގުރާމެއް ބަލާލެވޭނެ ކަމަށާއި މި ފީޗަރ މިވަގުތު އެކުލެވިގެންވަނީ ބައެއް ޗެނަލްތަކުގައި ކަމަށެވެ.

ދިރާގު ޕްލޭ މިހާރު ހުޅުވާލާފައިވަނީ ދިރާގު މޯބައިލް ކަސްޓަމަރުންނަށް އެކަންޔެވެ. ދިރާގުން ބުނީ ޕެކޭޖް ސަބްސްކްރިޕްޝަނަކާއެކު ބޭނުން ކުރެވޭ މި އެޕްގައި އިންޓްރޮޑަކްޓަރީ އޮފަރ އެއްގެ ގޮތުން "ޕްލޭ" ޕެކޭޖް މުޅިން ހިލޭ އެއް މަސްދުވަހަށް ލިބިގެންދާނެ ކަމަށެވެ.

ދިރާގުން ބުނީ މި ޕްކޭޖް ހިލޭ އެކްޓިވޭޓް ކުރެވޭނީ 15 ޖޫން 2020ގެ ނިޔަލަށް ކަމަށެވެ. އެއަށް ފަހު ކަސްޓަމަރުންނަށް މި ޕެކޭޖް މަހަކު އެންމެ 30 ރުފިޔާއަށް ބޭނުންކުރެވޭނެ ކަމަށާއި ޕެކޭޖްގެ ވެލިޑިޓީއަކީ އެކްޓީވޭޓް ކުރާތާ 30 ދުވަސް ކަމަށެވެ. މި ޕްކޭޖްގައި ކަސްޓަމަރުންނަށް މިހާރުވެސް 23 ޗެނަލް ބަލާލެވޭނެ ކަމަށާއި އަދި ދިރާގުން ދަނީ ދިރާގު ޕްލޭ އަށް އިތުރު ކޮންޓެންޓް އާއި ޗެނަލްތައް ހިމެނުމުގެ މަސައްކަތް ކުރަމުން ކަމަށެވެ.

ދިރާގުޕްލޭ މިޑައުންލޯޑްކޮށްލުމަށް:http://bit.ly/DhiraaguPlayApp⠀

އިތުރު މައުލޫމާތު ހޯއްދެވުމަށް:https://www.dhiraagu.com.mv/Dhiraagu_Play.aspx

ދިރާގުން ބުނީ އަބަދުވެސް މަސައްކަތްކުރަމުން ދަނީ ދިރާގުން ކަސްޓަމަރުންނަށް ފޯރުކޮށްދޭ މުނިފޫހިފިލުމުގެ ޚިދުމަތްތައް އިތުރަށް ފުރިހަމަކޮށް މުއްސަދިކުރުމަށް ކަމަށެވެ. އެގޮތުން ހަބަރު، ކުޅިވަރު އަދި ލައިފްސްޓައިލް ކޮންޓެންޓް ފަސޭހަކާއެކު ކަސްޓަމަރުންނަށް ފޯރުކޮށްދިނުމަށް ގިނަ މަސައްކަތްތަކެއް ކުރަމުންދާ ކަމަށް ދިރާގުން ބުންޏެވެ.