ކ. މާލެ
|
6 ޖޫން 2020 | ހޮނިހިރު 13:34
ޓްރާންސްޕޯޓް މިނިސްޓަރ އައިޝަތު ނަހުލާ: ކޮރަޕްޝަންގެ އަމަލުތައް ހުއްޓުވުމަށް ހަރުދަނާ އުސޫލްތަކެއް ޤާއިމް ކުރެވިފައިވާކަމަށް މިނިސްޓަރ ވިދާޅުވި
ޓްރާންސްޕޯޓް މިނިސްޓަރ އައިޝަތު ނަހުލާ: ކޮރަޕްޝަންގެ އަމަލުތައް ހުއްޓުވުމަށް ހަރުދަނާ އުސޫލްތަކެއް ޤާއިމް ކުރެވިފައިވާކަމަށް މިނިސްޓަރ ވިދާޅުވި
ރާއްޖެއެމްވީ
ޓްރާންސްޕޯޓް މިނިސްޓަރު ކޮމެޓީއަށް
އެއްގަރާޖެއްގައި ގިނަ އުޅަނދު ރަޖިސްޓްރީކޮށްދިނުމުގައި މިނިސްޓްރީގެ ބައެއް މުވައްޒަފުންގެ ބައިވެރިވުން އަބައޮތް: ނަހުލާ
 
ގަރާޖް ސިޓީއެއް 80،000ރ އަށްވެސް ދޫކުރަމުންދޭ
 
ހުއްދަ ދިނުމުގެ ކުރިން ގަރާޖަށް ގޮސް މީގެކުރިން ޗެކެއް ނުކުރޭ
 
ބައެއް ގަރާޒުރަކުގައި 200 އާއި 300 އާދެމެދުގެ އަދަދަކަށް ކާރު ރަޖިސްޓްރީ ކޮށްފައިވޭ

އެއްގަރާޖެއްގައި ގިނަ އުޅަނދު ރަޖިސްޓްރީ ކޮށްދިނުމުގައި ޓްރާންސްޕޯޓް އޮތޯރިޓީގެ ބައެއް މުވައްޒަފުންގެ ބައިވެރިވުން އެބައޮތް ކަމަށް ޓްރާންސްޕޯޓް މިނިސްޓަރ އައިޝަތު ނަހުލާ ވިދާޅުވެއްޖެ އެވެ.

ހުކުރު ދުވަހުގެ ރޭ ބެއްވި ރައްޔިތުންގެ މަޖިލީހުގެ ސަރުކާރު މަސްއޫލިއްޔަތު އަދާކުރާ މިންވަރުބަލާ ކޮމެޓީގައި މެންބަރުން ކުރެއްވި ސުވާލުތަކަށް ޖަވާބުދެއްވަމުން މިނިސްޓަރ ނަހުލާ ވިދާޅުވީ ގަރާޖުތަކުގައި މީގެ ކުރިން އޮޅުވާލުންތައް ހިންގާ، ބައެއް ގަރާޖުތަކުގައި 200 އާއި 300 އާއި ދެމެދުގެ ވެހިކަލް ރަޖިސްޓްރީ ކޮށްފައިވާ ކަމަށެވެ.

މިނިސްޓްރީގެ މުވައްޒަފުންގެ ބައިވެރިވުން ނެތި އެކަން ކުރެވޭނެ ކަމަށް ޤަބޫލު ނުކުރައްވާ ކަމަށާއި، ނަމަވެސް އެކަންކަން ނިމުމަކަށް ގެނެސް މިހާރު ހަރުދަނާ އުޞޫލުތަކެއް ޤާއިމު ކުރެވިފައިވާ ކަމަށް މިނިސްޓަރ ވިދާޅުވި އެވެ.

އެކަންތައްތައް ނައްތާލުމަށްޓަކައި ހަރުދަނާ ކުރަންޖެހޭ އުސޫލު އަޅުގަނޑުމެން ޤާއިމުކޮށްފައި ވާނީ. އަދިވެސް އަޅުގަނޑުމެން ދާނީ އިތުރަށް އެކަންތައްތައް ހަރުދަނާ ކުރަމުން. އެނގިވަޑައިގަންނަވާނެ ފަދައިން ބައެއް ފަހަރު ކަންތައްތައް މިހުންނަނީ އަޅުގަނޑުމެން އެންމެ ބޭނުންވާ ގޮތަކަށް ނޫން. ރަޖިސްޓްރީއެއް ހުށަހަޅަން ބޭފުޅަކު އައިމާ އަޅުގަނޑުމެން މީގެކުރީގެ އުސޫލް އޮތްގޮތުގައި އެތަނަށް ގޮސް ބެލުމުގެ ކަންތައްތަކެއް ނޯވޭ. އެކަމަކު އެކަމުގެ ސަބަބުން ހިނގާ ކަންތައްތަކެއް އެބަހުރި މިނިސްޓްރީ ތެރޭގައި ބައެއް ބޭފުޅުންނާއި ގުޅިވަޑައިގެން ހިނގާ ކަންތައްތަކެއްވެސް އެބަހުރި. އެކަހަލަ ކަންތައްތައްތަކަކީ ވަރަށް ދެރަ ކަންތައްތަކޭ އަޅުގަނޑު ދަންނަވާނީ،
ޓްރާންސްޕޯޓް މިނިސްޓަރ އައިޝަތު ނަހުލާ

މިނިސްޓަރ ނަހުލާ ވިދާޅުވީ ގިނަ އަދަދެއްގެ އުޅަނދުތައް އެއް ގަރާޖަކަށް ރަޖިސްޓްރީ ކޮށްފައިވާކަން އެނގުން ނަމަވެސް ހުރިހާ އުޅަނދެއް މަގުމަތި ނުކުރެވޭނެ ކަމަށާއި އެކަމަށް އޮތް ޙައްލަކީ އެ އުޅަނދުތައް ޕާކް ކުރާނެ އާ ޖާގަތަކެއް ހޯދައި ދިނުންކަމަށެވެ.

މިކަމާއި ގުޅިގެން ކޮމިޓީގައި ވާހަކަ ދައްކަވަމުން މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން މިނިސްޓަރުގެ ނައިބު ޝިމާޒް އަލީ ވިދާޅުވީ ގަރާޖް ހުއްދައަކީ ފުރަތަމަ މާލޭސިޓީ ކައުނސިލުން ދޭ ހުއްދައެއް ކަމަށެވެ. އެ ހުއްދަ އިމާރާތުގެ ވެރިފަރާތަށް ލިބުމުން އިމާރާތުގެ ވެރިފަރާތުން 75،000 ނުވަތަ 80،000 ރުފިޔާ އެޑްވާންސަށް ނެގުމަށް ފަހު ކާރު ރަޖިސްޓްރީ ކުރަން ބޭނުންވާ ފަރާތަށް ދޫކޮށްފައިވާ ކަން ފާހަގަ ކުރެވިފައިވާ ކަމަށެވެ.

މީގެކުރިން، ކުރީގައި 75،000 ނުވަތަ 80،000 ރުފިޔާ ދިނުމުން އެގަރާޖް ސިޓީއެއް ދެނީ،
ޓްރާންސްޕޯޓް މިނިސްޓްރީގެ ނައިބް މިނިސްޓަރ ޝިމާޒް އަލީ

ނަމަވެސް މިހާރު ޓްރާންސްޕޯޓް މިނިސްޓްރީން ކާރު ރަޖިސްޓްރީކޮށް ދިނުމުގައި ޓްރާންސްޕޯޓް އޮތޯރިޓީގެ އެއްވެސް ކަހަލަ ނާޖާއިޒުކަމެއް އެތެރޭގައި ހިނގާފައި ނުވާނެ ކަމުގެ ޔަޤީންކަން ޝިމާޒް ވަނީ ދެއްވާފަ އެވެ.

މާލޭ ސިޓީކައުންސިލުން އެ ދޫކުރާ ހުއްދައަކީ ރަނގަޅު ހުއްދައެއްތޯ އާއި އެ ހުއްދައިގެ މިނަކީ ރަނގަޅު މިނެއްތޯ ޓްރާންސްޕޯޓް އޮތޯރިޓީގެ މުވައްޒަފުން ގޮސް ބަލާ ގަރާޖް ޗެކް ކުރުމަށްފަހުގައި ނޫނީ މިހާރު ހުއްދަ ނުދޭކަން ޝިމާޒު ފާހަގަ ކުރެއްވި އެވެ. އަދި އެ ގަރާޖަކަށް އެލޮކޭޓް ކުރެވިފައި އޮންނަ ސައިޒަށް ވުރެ އިތުރަށް އެއްވެސް ކާރެއް ރަޖިސްޓްރީ ކުރެވިފައި ނުވާނެކަމުގެ ޔަޤީންކަން ވެސް ޝިމާޒް ވަނީ ދެއްވާފަ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
50%
0%
0%
25%
25%
0%
ކޮމެންޓް
7 ޖޫން 2020 | އާދީއްތަ 02:50
މުންތޭ
ގަރާޖް ސިޓީވިއްކުމުގެބަދަލުގައި ދައުލަތަށް ފައިސާކޮޅެއް ނަފާފަ އެފައިސާއިން ޕާކިން ބިލްޑިންގުތައް އަޅައި ގަޑިއަށްފައިސާނެގޭނެ މެކޭނިޒަމެއް ހެދުން ބުއްސިވެރި.
6 ޖޫން 2020 | ހޮނިހިރު 13:57
މރޒޒ
މާލޭ ޖަރާޖަކަށް ވިޔަސް ހުޅުމާލެ ފުލެޓަކަށް ވިޔަސް ގަރާޖޭކިޔާފަ ހުއްދަނަގާގެން އުޅަނދު ބައްވަން ޖެހޭނީ މަގުމަތީގައި. ބަޔަކަށް ލާރިތަކެއް ހޯދާދިނުމިގެ މަގްސަދުގައި ޓްރާންޕޯޓުން ކުރާ ކަމެއް ތިޔަ ގަރާޖް ސޮޓީއަކީ.