ހޮނިހިރު ދުވަހުން ފެށިގެން ވިލިމާލެއާއި މާލެއާއި ދޭތެރޭގައި ދަތުރުކުރާ ފެރީތައް އޮންނަ ގަޑިތަކަށް ބަދަލު ގެނެސްފި އެވެ.

އެމްޓީސީސީން ބާއްވާ ފެރީ ދަތުރުތައް ރިވައިސްކޮށް ވަނީ އާ ޝެޑިއުލެއް އާންމުކޮށްފަ އެވެ. އެގޮތުން ފުރަތަމަ ފެރީ ވިލިމާލެއިން ފުރުމަށް ހަމަޖެހިފައިވަނީ ހެނދުނު 6:45 ގައެވެ. އަދި މާލެއިން ފުރަތަމަ ފެރީ ފުރާނީ ހެނދުނު 7:00 ގައެވެ.

އެގޮތުން މާލެއިން ފުރާ ފެރީތައް 7:00ން ފެށިގެން 8:00 ދޭތެރޭގައި ކޮންމެ 15 މިނެޓަކުން ފެރީ ބާއްވާއިރު، ވިލިމާލެއިން ފުރާ ފެރީތައް 6:45ން ފެށިގެން 8:15 އާ ހަމައަށް 15 މިނެޓަކުން ފެރީ އޮންނަ ގޮތަށް ޝެޑިއުލްއަށް ވަނީ ބަދަލު ގެނެސްފަ އެވެ.

މީގެ އިތުރުން 8:30 ގައި މާލެއިން ވިލިމާލެއަށް ފެރީއެއް ބޭއްވުމަށްފަހު ދެން އެންމެ އަވަހަށް މާލެއިން ވިލިމާލެއަށް ފެރީއެއް އޮންނާނީ 11:00 ގައެވެ. އަދި 12:30 ގައި އިތުރު ފެރީއެއް ބޭއްވުމަށްފަހު 1:15 ގައި އިތުރު ފެރީއެއް ބޭއްވުމަށް ވަނީ ހަމަޖެހިފައެވެ. އަދި މެންދުރު 2:30ން ފެށިގެން މާލެއިން ވިލިމާލެއަށް ފެރީ އޮންނާނީ ކޮންމެ 30 މިނެޓަކުން ހަވީރު 5:30 ވަންދެންނެވެ.

އޭގެ ފަހުން ރޭގަނޑު 8:30 ގައި މާލެއިން ވިލިމާލެއަށް ފެރީއެއް ބޭއްވުމަށްފަހު ދެން ފެރީއެއް އެންމެ އަވަހަށް ބާއްވަން ޝެޑިއުލްކޮށްފައިވަނީ 10:45 ގައެވެ. އަދި 11:15 ގައި އިތުރު ފެރީއެއް ބާއްވާއިރު، 12:00 އަދި 12:30 ގައި ފެރީއެއް ބައްވާ ދަންވަރު 2:00 ގައި އެންމެ ފަހު ފެރީ އޮންނާނެ އެވެ.

ވިލިމާލެއިން މާލެއަށް ދަތުރުކުރާ ފެރީތައް ހަމަޖެހިފައިވަނީ ހެނދުނު 6:45ން 8:15 އާ ހަމައަށް ކޮންމެ 15 މިނެޓަކުން އޮންނަ ފެރީ ފިޔަވައި 9:00 އަދި 12:00 ގެ އިތުރުން 1:00 ގައެވެ. އޭގެ ފަހުން ދެން 1:30 އިތުރު ފެރީއެއް ބާއްވާއިރު ދެން އެންމެ އަވަހަށް ވިލިމާލެއިން މާލެއަށް ފެރީއެއް އޮތީ 3:00 ގައެވެ. އޭގެ ފަހުން ހަވީރު 3:45، 4:15، 5:00 އަދި 7:00 ގައި އިތުރު ފެރީއެއް ވިލިމާލެއިން މާލެއަށް އޮންނާނެއެވެ.

އޭގެ ފަހުން ރޭގަނޑު 9:00، 10:30، 11:00، 11:30 އަދި 12:15 ގައި ވިލިމާލެއިން މާލެއަށް ފެރީއެއް އޮންނާނެ އެވެ. އަދި އެންމެ ފަހު ފެރީއެއް ވިލިމާލެއިން މާލެއަށް އޮންނާނީ ދަންވަރު 1:00 ގައެވެ.

މީގެ އިތުރުން ހުކުރު ދުވަހު ވެސް ފެރީ ޝެޑިއުލް ހަމަޖައްސާފައިވަނީ މިގޮތަށެވެ. މާލެ ސަރަހައްދުގައި އިއުލާންކޮށްފައިވާ ލޮކްޑައުން އަށް ލުއިތަކެއް ދިނުމަށް ނިންމާފައިވާ އިރު، ވިލިމާލޭގައި ދިރިއުޅޭ ފަރާތްތަކަށް މާލެއަށް އައިސް ވިޔަފާރި ކުރުމުގެ ފުރުސަތު ދިނުމަށް ވަނީ ނިންމާފަ އެވެ.