ކޮވިޑް-19 އަށް ފަރުވާ ދިނުމަށް ސަރުކާރުން ހުޅުމާލޭގައި ގާއިމްކުރި މެޑިކަލް ފެސިލިޓީ އަށް ބޭނުންވާ އިކުއިޕްމަންޓް ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން އިންސްޓޯލް ކޮށްފި އެވެ.

ހުޅުމާލޭ މެޑިކަލް ފެސިލިޓީ އަށް ބޭނުންވާ އިކުއިޕްމަންޓް އިންސްޓޯލް ކުރުމުގެ އިތުރުން އެ ފެސިލިޓީ އަށް ބޭނުންވާ ޕަރސަނަލް ޕްރޮޓެކްޓިވް އިކިއުޕްމެންޓް (ޕީޕީއީ) ގެ އިތުުރުން މެޑިކަލް ސާމާނު ފޯރުކޮށް ދިނީ އެސްޓީއޯ އިންނެވެ.

ޓްރީޓޮޕް ހޮސްޕިޓަލް ކައިރީގައި ގާއިމްކުރި ފެސިލިޓީގެ މަސައްކަތް ނިންމައި އެތަން އައިޖީއެމްއެޗާއި ހަވާލުކޮށްފައި ވަނީ މެއި މަހުގެ ފަހުކޮޅު އެވެ. ކޮވިޑް ޖެހިފައިވާ ފަރާތްތަކަށް ފަރުވާ ދިނުމަށް ހާއްސަ ކުރެވިގެން ގާއިމްކުރެވުނު ހޮސްޕިޓަލުގައި، 300 އެނދު ހުރެ އެވެ.

މި ހޮސްޕިޓަލް އިމާރާތްކުރުމަށް ހަރަދުކުރި 12 މިލިއަން ރުފިޔާ އާއި، ހޮސްޕިލަށް ބޭނުންވާ އެހެނިހެން ސާމާނު ގަތުމަށާއި ސިއްހީ އާލާތްތައް ގަތުމަށް ހަރަދުކުރި 28 މިލިއަން ރުފިޔާއާއިއެކު، މި މަޝްރޫއަށް ސަރުކާރުން ވަނީ ޖުމްލަ 40 މިލިއަން ރުފިޔާ ހަރަދުކޮށްފަ އެވެ.