ޕޯޓަލް މެދުވެރިކޮށް ވިޔަފާރި ހުއްދައަށް އެދިފައިވާ ފަރާތްކަށް ފާސް ދޫކުރުން މިއަދު
މެއި މަހުގެ 29 އިން ފެށިގެން 17 ބާވަތެއްގެ ވިޔަފާރި ހިންގުމަށް ހުއްދަ ދުކުރަމުންގެންދޭ
ބާޖާރުމަތި ފިހާރައަކުން ހިދުމަތް ހޯދަނީ
މާލޭ ސިޓީ ކައުންސިލްގެ ޕޯޓަލް މެދުވެރިކޮށް ވިޔަފާރި ހުއްދައަށް އެދިފައިވާ ފަރާތްތަކަށް ބުދަ ދުވަހު ފާސްދޫކުރަން ފަށާނޭ ކަމަށް ކައުންސިލުން ބުނެފިއެވެ.
މާލޭ ސިޓީ ކައުންސިލުން ބުނީ މިދިޔަ މެއި މަހުގެ 29 އިން ފެށިގެން 17 ބާވަތެއްގެ ވިޔަފާރި ހިންގުމަށް ހުއްދަ ދުކުރަމުންގެންދާކަމަށެވެ.
ސިޓީ ކައުންސިލުން ބުނީ ހުއްދައަށް އެދިފައިވާ ހުރިހާ ފަރާތްތަކުގެ ހުރިހާ ތަފްސީލެއް ވަނީ އިކޮނޮމިކް މިނިސްޓްރީ އާއި ހިއްސާ ކުރެވިފައިވާ ކަމަށެވެ. އަދި ވެރިފައިކޮށް ނިމި ބުދަ ދުވަހު ފުލުހުން ފާސްތައް ދޫކުރަން ފަށާނެ ކަމަށް ކައުންސިލުން މައުލޫމާތުދެއެވެ.
މެއި މަހުގެ 29 ވަނަ ދުވަހުން ފެށިގެން ލޮކްޑައުންގައި އަޅާފައިވާ ފިޔަވަޅުތަކަށް ލުއިތަކެއް ދިނުމަށް ފަށާއިރު ގިނަ ފިހާރަތަކެއް ހުޅުވާލުމުގެ ވަނީ ފުރުސަތު ދީފަ އެވެ. ސުޕަރމާކެޓްތަކާއި ބޭކަރީތަކާއި އާންމު ދިރިއުޅުމަށް ބޭނުންވާ އަސާސީ ތަކެތި ވިއްކާ ކަންމަތީ ފިހާރަތަކާއި ތަރުކާރީ އާއި މޭވާ ވިއްކާ ފިހާރަތަކައި، ފަރމަސީތައް، ދިވެހި ބޭސް ވިއްކާ ފިހާރަތައް، ބުކްޝޮޕްސް، ސްޓޭޝަނަރީ ވިއްކާ ފިހާރަތަކާއި، ކުޑަކުދިންގެ ސާމާނު ވިއްކާ ފިހާރަތައް އަދި ހާޑުވެއަރ ފިހާރަތައް ހުޅުވާލުމަށް ފުރުސަތު ދިނުމަށް ނިންމާފައިވެއެވެ.
އޭގެއިތުރުން އޮންލައިން ޑެލިވަރީ އަށް ބައެއް ތަންތަން ހުޅުވާލެވޭނެކަމަށް ސަރުކާރުން ހާމަކޮށްފައިވެއެވެ. އޭގެތެރޭގައި ހިމެނެނީ މޯބައިލް ފޯން ފިހާރަތަކާއި ކޮމްޕިޔުޓަރ ސާމާނު ވިއްކާ ފިހާރަތާއި ގޭގައި ބޭނުންކުރާ އިލެކްޓްރޯނިކްސް ސާމާނު ވިއްކާ ފިހާރަތަކާއި އަންނައުނު، ފޮތި، ފައިވާން އަދި ކުޅިވަރު ސާމާނު ވިއްކާ ފިހާރަތަކެވެ.
