ތިލަފުށީގައި ބިދޭސީންތަކެއް ހަމަނުޖެހުން ހިންގައި ފުލުހުންނަށް ޙަމަލާދީފި
2 ޖޫން 2020 | އަންގާރަ 13:07133 މީހަކު ފުލުހުންގެ ބެލުމުގެ ދަށަށް ގެންގޮސްފައިވޭ
ކ. ތިލަފުށީ ޕޮލިސް ސްޓޭޝަނުގައި ތިބި ބިދޭސީ މަސައްކަތްތެރިންތަކެއް -- ފައިލް ފޮޓޯ
ކ ތިލަފުށީގައި ބިދޭސީންތަކެއް ހަމަނުޖެހުން ހިންގައި ފުލުހުންނަށް ޙަމަލާދީފި އެވެ.
އެކަމާ ގުޅޭގޮތުން ފުލުހުން ބުނީ، ބިދޭސީންތަކެއް ހަމަނުޖެހުން ހިންގުމާއި ގުޅިގެން ފުލުހުން އެރަށުގައި ހަރަކާތްތެރި ވަމުންދާ ކަމަށާއި، އެކަމުގައި އުޅުނު ފުލުހުންނަށްވެސް ކޮންމެސް ވަރެއްގެ އަނިޔާތަކެއް ލިބިފައިވާ ކަމަށެވެ. އެގޮތުން މިހާތަނަށް 133 މީހަކު ފުލުހުންގެ ބެލުމުގެ ދަށަށް ގެންގޮސްފައިވާއިރު، މިހާތަނަށް 2 ފުލުހަކަށް އެކިވަރުގެ އަނިޔާތައް ވަނީ ލިބިފަ އެވެ.
ތިލަފުށީގައި ތިބި ބިދޭސީންތަކެއް ހަމަނުޖެހުން ހިންގާފައިވާއިރު، ދާދި ފަހުން ބިދޭސީންނަށް ބޭނުންކުރަމުން އަންނަ ކަރަންޓީނު ފެސިލިޓީއެއް ކަމުގައިވާ އަމީން ހިޔާގައި ތިބި ބަޔަކުވެސް ވަނީ ހަމަނުޖެހުން ހިންގައި ފުލުހުންނާ ދިމާލަށް ގޮނޑި އުކާފައެވެ. އެގޮތުން އޭރު ހަމަނުޖެހުން ހިންގީ ކެއުން ލިބުމުގައި ލަސްތަކެއް ކުރިމަތި ވެގެން ކަމަށް ސަރުކާރުން ވަނީ ހާމަކޮށްފައެވެ.
މައުލޫމާތު ލިބިފައިވާ ގޮތުގައި ތިލަފުށީގައި ހިނހި ހަމަނުޖެހުމުގައި 400އެއްހާ ބިދޭސީން ހަރަކާތްތެރިވެފައި ވެއެވެ.
