ރާއްޖެއިން އިތުރު 44 މީހަކު ކޮވިޑް-19ށް ޕޮޒިޓިވްވެ، ޖުމުލަ އަދަދު 1591ށް!
އޭގެ ތެރޭގައި 13 ދިވެހިންވެސް ހިމެނޭ
ލައިޝާ އަހްމަދު | 29 މެއި 2020 | ހުކުރު 22:56
ރާއްޖެއިން ފެންނަމުންދާ ކޭސްތަކާ ގުޅިގެން ސާމްޕަލް ނެގުމާއި ކޮންޓެކްޓް ޓްރޭސިން އަދިވެސް ދަނީ ކުރިއަށް
ރާއްޖެއިން އިތުރު 44 މީހަކު ކޮވިޑް-19ށް ޕޮޒިޓިވްވެއްޖެ އެވެ.
އެކަމާ ގުޅޭގޮތުން ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ކުރި ޓްވީޓެއްގައި ބުނީ، ރާއްޖެއިން އިތުރު 44 މީހަކު ކޮވިޑް-19 އަށް ޕޮޒިޓިވްވެފައިވާ ކަމަށެވެ. އޭގެ ތެރޭގައި 13 ދިވެހިންވެސް ހިމެނޭކަމަށް އެޗްޕީއޭއިން ބުނެ އެވެ.
އޭގެ އިތުރުން، ބަންގްލަދޭޝް އަށް ނިސްބަތްވާ 26 މީހަކާއި، އިންޑިއާއަށް ނިސްބަތްވާ 2 މީހަކު ހިމެނޭކަމަށް އެޗްޕީއޭއިން ބުނެ އެވެ.
އެއާއެކު ރާއްޖެ އިން ޕޮޒިޓިވްވި މީހުންގެ ޖުމުލަ އަދަދު ވަނީ 1591ށް އަރާފަ އެވެ.
