ކޮވިޑް 19 އާއި ގުޅިގެން ރާއްޖޭގެ ބައެއް ރަށްރަށުގެ މިސްކިތްތަކުގައި ޖަމާޢަތުގައި ނަމާދު ނުކުރާގޮތަށް ނިންމާފައި އޮތް އޮތުން 11 ޖޫން 2020 ވާ ބުރާސްފަތި ދުވަހުގެ އަސުރު ނަމާދުގެ ނިޔަލަށް އިތުރު ކޮށްފި އެވެ.
އިސްލާމިކް މިނިސްޓަރީން މިހެން މިކަން އަންގާފައި މިވަނީ، ކޮވިޑް-19 ފެތުރުން ކޮންޓްރޯލް ކުރުމުގެ ގޮތުން ރާއްޖޭގައި އިއުލާނު ކޮށްފައިވާ އާންމު ސިއްހަތުގެ ކުއްލި ނުރައްކަލުގެ ހާލަތުގެ މުއްދަތު ތިން ވަނަ ފަހަރަށް އިތުރު ކުރުމާ ގުޅިގެން ނެވެ.
މިމަހުގެ 24 ވަނަ ދުވަހު އިސްލާމިކް މިނިސްޓްރީން ވަނީ، 7 ރަށެއް ފިޔަވައި އެހެން ހުރިހާ ރަށެއްގައި ޖަމާއަތުގައި ނަމާދު ކުރުމުގެ ހުއްދަ ދީފިއެވެ.
ހެލްތް ޕްރޮޓެންޝަން އެޖެންސީ (އެޗްޕީއޭ)އިން ބުނެފައިވާ ގޮތުގައި ވަގުތީ ފިޔަވަޅުތައް މިވަގުތު އަޅާފައިވަނީ މާލެ ސިޓީގެ އިތުރުން ނ. މަނަދޫ އާއި ށ. ނަރުދޫ އެވެ.
ކޮވިޑް-19 އާ ގުޅިގެން މާލެ ސިޓީ ސަރަހައްދުގައި ފުރަބަންދުކޮށްފައި ވާއިރު، މިމަހުގެ 29 ވަނަ ދުވަހުން ފެށިގެން ލުއިތަކެއް ދިނުމަށް ނޭޝަނަލް އެމަޖެންސީ އޮޕަރޭޝަން ސެންޓަރުން ވަނީ މައުލޫމާތު ދީފަ އެވެ.
