ލުބުނާންގެ ހުންނަ ސިރީއާ ރެފިއުޖީ ކޭންޕަކުން 15 މީހަކު ކޮވިޑް-19ށް ޕޮޒިޓިވް ވެއްޖެ
28 މެއި 2020 | ބުރާސްފަތި 01:14ފެތުރިފައިވާ މިންވަރު ނޭނގެ
ލުބުނާންގެ \'\'މަޖްދާލް އަންޖަރ\'\' ގައި ހުންނަ ސިރީއާ ރެފިއުޖީންތަކެއް
ލުބުނާންގެ ''މަޖްދާލް އަންޖަރ'' ގައި ހުންނަ ސިރީއާ ރެފިއުޖީ ކޭންޕަކުން 15 މީހަކު ކޮވިޑް-19ށް ޕޮޒިޓިވް ވެއްޖެއެވެ.
އދ. ރެއުފިޖީ އެޖެންސީއާ ހަވާލާދީ ރިޕޯޓުކޮށްފައިވާ ގޮތުގައި، މިކޭންޕުން މަދު އަދަދެއް ފެނުނުކަމުގައި ވިޔަސް އެކޭންޕްތުގައި މީހުން ތޮއްޖެހިގެން ދިރިއުޅެމުންދާތީ ކޮންޓްރޯލުން ނެއްޓިގެން ހިނގާދާނެ ކަމުގެ އިންޒާރު ވަނީ ދީފައެވެ.
އެހީތެރިކަން ފޯރުކޮށްދޭ ގުރޫޕްތަކުން ބުނެފައިވަނީ 15 މީހަކު ކޮވިޑް-19ށް ޕޮޒިޓިވްވިކަން ކަށަވަރު ކުރެވުނު ނަމަވެސް ފެތުރިފައިވާ މިންވަރު ނޭނގޭ ކަމަށެވެ.
އދ. ރެއުފިޖީ އެޖެންސީގެ ފަރާތުން އަބޫ ހާލިދު ބުނެފައިވަނީ ކޮވިޑް-19ށް ޕޮޒިޓިވްވި 15 މީހުން އައިސޮލޭޝަންއަށް ލެވިފައިވާ ކަމަށެވެ.
މިހާރު ލުބްނާންގެ ހެލްތް މިނިސްޓްރީއާ ގުޅިގެން މިގޮތަށް އުޅޭ ރެފިއުޖީން ޓެސްޓު ކުރުމުގެ ޚާއްސަ ކެންޕޭނެއް ކުރިއަށް ގެންދިއުމަށް ނިންމާފައިވާ ކަމަށެވެ. އަދި ކޭންޕަށް ހަރަދު ކުރާނީ ޔޫއެންއެޗްސީއާރް އިންނެވެ.
