ޗައިނާއިން އިއްޔެ ކޮވިޑް-19 ޖެހުނީ އެންމެ މީހަކަށް
27 މެއި 2020 | ބުދަ 07:05ޗައިނާގައި މިހާތަނަށް އައިއިރު ވައިރަސް ޖެހިފައިވަނީ 82،993 މީހުންނަށް
ޗައިނާގެ ޖިލިން ޕްރޮވިންސްގައި ވޮލަންޓިއަރުން ތަކެއް ހުން ބެލުމުގެ މަސައްކަތްކުރަނީ
ޗައިނާ ގައި އަންގާރަ ދުވަހު ކޮވިޑް-19 ޖެހިފައި ވަނީ އެންމެ މީހަކަށް ކަމަށް އެ ގައުމުގެ ނޭޝަނަލް ހެލްތު ކޮމިޝަނުން ބުނެފި އެވެ.
އޭގެކުރީ ދުވަހު ވައިރަސް ޖެހިފައި ވަނީ 7 މީހަކަށެވެ. މީގެ އިތުރުން ޗައިނާގައި އަލާމާތްތައް ނުފެނި އަންގާރަ ދުވަހު 28 މީހަކު ވައިރަސް އަށް ޕޮޒިޓިވްވެފައިވާ ކަމަށް ނޭޝަނަލް ހެލްތު ކޮމިޝަނުން ބުނެ އެވެ. އޭގެކުރީ ދުވަހު އަލާމާތްތައް ނުފެނި 29 މީހަކު ވަނީ ވައިރަސް އަށް ޕޮޒިޓިވްވެފަ އެވެ.
އިއްޔެ އާއި އޭގެކުރީ ދުވަހު ވައިރަސް ޖެހިގެން ރިޕޯޓް ކޮށްފައި ވަނީ އެ ގައުމަށް އެތެރެވި މީހުން ކަމަށް ނޭޝަނަލް ހެލްތު ކޮމިޝަނުން ބުނެ އެވެ.
ޗައިނާގައި މިހާތަނަށް އައިއިރު ވައިރަސް ޖެހިފައިވަނީ 82،993 މީހުންނަށެވެ. ވައިރަސް ޖެހިގެން މަރުވެފައިވަނީ 4634 މީހުންނެވެ.
