ރާއްޖެ
އޮމަދުއަށް ދިޔަ މީހާ ހައްޔަރުކުރުން
ހުއްދަ ނުހޯދާ އޮމަދުއަށް ދިޔަ މީހަކު ހައްޔަރު ކޮށްފި
އޭނާ ހައްޔަރު ކޮށްފައިވަނީ ހޮނިހިރު ދުވަހު
އަޒްލިފާ އަބްދުﷲ, ރާއްޖެ އެމްވީ | 24 މެއި 2020 | އާދީއްތަ 07:49
އޮމަދޫ
ލޮކްޑައުންގެ ހާލަތުގައި ހުއްދަ ނުހޯދާ އދ. އޮމަދޫއަށް ދިޔަ މީހަކު ހައްޔަރު ކޮށްފިއެވެ.
ފުލުހުން ބުނީ ލޮކްޑައުންގެ ހާލަތުގައި ސަރުކާރުގެ އެއްވެސް އިދާރާއަކުން ނަގަންޖެހޭ ހުއްދަ ނުނަގާ މިދިޔަ ހޮނިހިރު ދުވަހު މާލެއިން އޮމަދުއަށް ދިޔަ މީހަކު ކޯޓްއަމުރެއްގެ ދަށުން ފުލުހުންގެ ބެލުމުގެ ދަަށަށް ގެންދެވިފައިވާ ކަމަށެވެ.
މި މައްސަލައާއި ގުޅިގެން ހޮނިހިރު ދުވަހު ހައްޔަރުކޮށްފައި ވަނީ 24 އަހަަރުގެ ދިވެހި ފިރިހެނެއް ކަމަށް ފުލުހުން މައުލޫމާތު ދެއެވެ.
މި މައްސަލަ ފުލުހުން ދަނީ ތަހުޤީގު ކުރަމުންނެވެ.
