ބިދޭސީ މީހާ ދޫވުމުން ވަކި ރިސްކު ބޮޑެއް ނުވޭ: ޑރ. މުރާދު
ހަތް މީހަކު ފިލިއިރު، އޭގެތެރެއިން ހަ މީހަކު މިހާރުވަނީ ހޯދާފަ
އައިޖީއެމްއެޗްގެ އެތެރެހަށީގެ ޚާއްސަ ޑރ. މުސާ މުރާދު
ކޮވިޑް-19 އަށް ޕޮޒިޓިވްވެފައި ހުއްޓައި، ފިލި ބިދޭސީ މީހާގެ ސަބަބުން މުޖުތަމައު އަށް އޮތް ރިސްކު ވަކި ބޮޑުވެގެން ނުދާނެ ކަމަށް އައިޖީއެމްއެޗްގެ އެތެރެހަށީގެ ޚާއްސަ ޑރ. މުސާ މުރާދު ވިދާޅުވެއްޖެ އެވެ.
ކޮވިޑް-19 އަށް ޕޮޒިޓިވްވެފައި ހުއްޓައި ހަތް މީހަކު ފިލިއިރު، އޭގެތެރެއިން ހަ މީހަކު މިހާރުވަނީ ހޯދާފަ އެވެ. ހަތް ވަނަ މީހާ އަދިވެސް ހޯދިފައިނުވާއިރު، އޭނާގެ ވަނަވަރު ހާމަކޮށްފައެއް ނުވެއެވެ.
މިހާތަނަށް އޭނާގެ ވަނަވަރު ހާމަކޮށްފައިނުވާއިރު، އެމީހާ މުޖުތަމައު ތެރެއަށް ދޫވުމުން އޮތް ނުރައްކަލާއި ބެހޭ ގޮތުން ނޫސްވެރިއަކު ކުރި ސުވާލަކަށް ޖަވާބުދެއްވަމުން ޑރ. މުރާދު ވިދާޅުވީ ގެއްލިގެން ހޯދާ ބިދޭސީ މީހާ މުޖުތަމައު ތެރެއަށް ދޫވުމުން ވަކި ރިސްކު ބޮޑުވެގެން ނުދާ ސަބަބެއް ކަމަށް ޑރ. ވިދާޅުވީ، މުޖުތަމައުގެ ތެރޭގައި ބަލި ފެތުރިފައި އޮތުމާއި އެކު ކޮންމެ މީހަކީވެސް ބައްޔަށް ހުށައެޅިދާނެ މީހަކަށް ވާތީ ކަމަށެވެ.
މިކަމާއި ގުޅިގެން ނޫސްވެރިންގެ ބައްދަލުވުމުގައި ވާހަކަދައްކަވަމުން މަބްރޫކް ވިދާޅުވީ މިހާތަނަށް އެމީހާގެ ވަނަވަރު ހާމަކޮށްފައިނުވަނީ ފުލުހުން އަދިވެސް އޭނާ ހޯދުމުގެ މަސައްކަތް ކުރަމުންދާތީ ކަމަށެވެ. ވަނަވަރު އާންމުކުރަނީ، ފުލުހުންނަށް އޭނާ ނުފެނުނުކަމަށް ޑިކްލެއަރ ކުރުމުން، ޑިރެކްޓަރ ޖެނެރަލް އޮފް ޕަބްލިކް ހެލްތަށް ލިބިދޭ އިހުތިޔާރުގެ ދަށުންނެވެ.
