ވިދްޔުތު ޖަމްވަލް ސިނގިރެޓް \'ބަޓަކުން\' ލުނބޯ ފަޅިކުރާ ގޮތް އެނގޭތަ؟

އެކި މީހުންނަކީ ތަފާތު އެކިކަހަލަ ހުނަރުތައް ލިބެފައިވާ މީހުންނެވެ. އެގޮތުން ބޮލީވުޑްގެ ތަރިންނަށް ބަލާއިރުވެސް އެމީހުންނަށް ލިބިފައިވާ އެކްޓު ކުރުމުގެ ހުނަރުގެ އިތުރުން އެކިކަހަލަ އެހެން ހުނަރުތައްވެސް ލިބިފައިވެ އެވެ.

އެގޮތުން ބޮލީވުޑްގެ އެކްޓްރަ ވިދްޔަތު ޖަމްވަލް ވެސް މިވަނީ އޭނާއަށް ލިބިފައިވާ އެކްޓު ކުރުމުގެ ހުނަރުގެ އިތުރުން އެހެން ހުނަރެއް ބެލުންތެރިންނަށް ދައްކާލާފަ އެވެ. ހިންދީ ފިލްމު ސީރީޒް އިން ކޮމާންޑޯއިން ގިނަ ބައެއްގެ މަގުބޫލުކަން ހޯދާފައިވާ މިތަރި މިފަހަރުއިންސްޓަރގްރާމަށްދޫކޮށްލީ ސިނގިރެޓް ބޭނުންކޮށްގެން އޮރެންޖާއި ލުނބޯ ފަދަ ތަކެތި ފަޅިކުރާނެ ގޮތްތަކެވެ. ޓިއުޓޯރިއަލް އެއްގެ ގޮތުގައި މި ހުނަރު އޭނާ ބެލުންތެރިންނާ ހިއްސާކުރި އިރު މި ވީޑިއޯގެ ދިގުމިނަކީ 2:02 އެވެ.

ވީޑިއޯ ފަށަމުން ވިދްޔުތު ބުނަނީ ކެއްކުމުގެ ޚާއްސަ ކަންތައްތަކެއް ގެނެސްދިނުމަށް ތައްޔާރުވާ ވާހަކަ އެވެ. އަދި ދާދިފަހުން އޭނާ ދިޔަތާކުން ތަފާތު ގޮތަކަށް ކާއެއްޗެހި ފަޅިކޮށް ކަންތައް ކުރާ މަންޒަރު ފެނުނު ކަމަށް އޭނާ ބުންޏެވެ. ލުނބޯ ، އޮރެންޖް ފަދަ ތަކެތި ފަޅިކުރަން ނުވަތަ ކޮށަންވެސް ވަޅި ފަދަ އެއްޗެއް ނުލިބޭނަމަ ކަންތައްކުރާނެ ގޮތެއް އޭނާ ކިޔައިދެ އެވެ. ސިނގިރޭޓަކީ ސިއްހަތަށް ގެއްލުން އެއްޗެއްކަމަށް ބުނަނީ ކީއްވެތޯ އޭނާ ސުވާލުކުރެ އެވެ. އަދި އެސުވާލަށް ޖަވާބު ދެމުން އޭނާ ބުނަނީ ސިނގިރޭޓުން މީހުން ހަލާކުވެގެންދާ ކަމަށެވެ. އޭގެން މީހުން "ކަޓް" ކުރެވޭނެ ކަމަށް ވިދްޔުތު ބުނެ އެވެ.

ވީޑިއޯއިން ފެންނަނީ ސިނގިރޭޓްގައި އަލިފާން ރޯކުރުމަށް ފަހު އޭގެން ލުނބޯ ފަޅިކުރަން އުޅޭ މަންޒަރެވެ. އަދި މިފަދަ ތަފާތު އެކި ކަހަލަ ކަންކަމަށް ސިނގިރޭޓް ބޭނުންކުރެވިދާނެ ކަމަށް ވިދްޔުތު ބުނެ އެވެ.

ވިދްޔުތު ދެން އެންމެ އަވަހަށް ބެލުންތެރިންނަށް ފެނިގެންދާނީ ހުދާ ހާފިޒް މި ފިލްމުންނެވެ.